कांग्रेसको १४ औं महाधिवेशन : ठूला पालिकामा देशैभर पौडेल पक्षको बर्चश्व

नेपाली कांग्रेसको १४ औं महाधिवेशन अन्तरगत भएको महत्वपूर्ण पालिकाहरुमा सभापति शेरबहादुर देउवा समुह पछि परेको छ । अहिलेसम्म निर्वाचन भएको एक मात्र महानगरपालिकामा सभापति देउवा समुहलाई पछि पार्दै वरिष्ठ नेता रामचन्द्र पौडेल समुहले जीत हात पारेको छ । पौडेल पक्षका सुरेन्द्रमान विजुक्छेले देउवा निकटका गंगाधर पराजुलीलाई पराजीत गरे ।

त्यस्तै देउवा पक्षका खम्बा जस्तै रहको गोपालमान श्रेष्ठको गृहजिल्लको वालिङ र पुतलीवजार नगरपालिकामा पौडेल पक्षका उमेदवारल जीत हात पारेका छन् । चार नम्बर प्रदेशका सवैजसो नगरपालिकामा पौडेल पक्षको उमेदवारले जीत हात पारेका छन् ।

त्यसैगरि प्रदेश नम्बर एकका महत्वपूर्ण दुइ उपमहानगरपालिकामा पनि पौडेल पक्षले जीत हात पारेको छ । सो प्रदेशको धरान उपमहानगर र इटहरी उपमहानगरमा देउवा पक्ष पछि परेको हो । धरानमा श्याम पोखरेल र इटहरीमा हेमकर्ण पौडेल निर्वाचित भएका हुन् । अर्को महत्वपूर्ण पालिका विराटनगर महनगरपालिकामा भने अझै अधिवेशन भएको छैन् ।त्यस्तै लुम्बिनी प्रदेशको बुटवल उपमहानगर, तुलसीपुर उपमहानगरपालिकामा पनि पौडेल पक्ष हाबि भएको छ । बुटवल उपमहानगरपालिकामा पौडेल पक्षका खेलराज पाण्डेले जीत हात पारेका छन् । @bikastimes