एमाले असफल बनाउन चौतर्फी प्रहार हुँदैछ : अष्टलक्ष्मी शाक्य

नेकपा (एमाले) की उपाध्यक्ष अष्टलक्ष्मी शाक्यले पार्टीको दशौँ महाधिवेशन असफल बनाउने षडयन्त्र भइरहेको बताएकी छन्।सोमबार बागमती प्रदेश संसदीय दलको बैठकलाई हेटौंडामा सम्बोधनका क्रममा शाक्यले महाधिवेशन हुन नदिन अनेक चलखेल भइरहेको बताएकी हुन्।उनले मंसिरमै महाधिवेशन हुने बताउँदै एमालेलाई चारैतिरबाट आक्रमण भइरहेको पनि बताएकी छन्।

बागमती प्रदेशकी पूर्वमुख्यमन्त्री शाक्यले प्रदेशसभा सदस्य र एमालेका कार्यकर्ताहरुलाई मंसिरमै महाधिवेशन हुने बताउँदै त्यसअनुसार सक्रिय हुन पनि भनेकी छन्।उनले एमालेलाई कमजोर बनाउने शक्ति अनेक रुपमा सक्रिय भएको पनि बताएकी छन्।

‘एमालेलाई कमजोर बनाउन, भूमिकाविहीन बनाउन विभिन्‍न शक्ति लागिरहेका छन्, उनले भनिन्, अहिले एमालेमाथि चौतर्फी प्रहार भइरहेको अवस्था छ। हामीले पार्टीलाई बलियो बनाउन योजनावद्धरुपमा काम गर्नु जरुरी छ।