सिन्धुपाल्चोक । नेपाली कांग्रेसका वरिष्ठ नेता रामचन्द्र पौडेलले पार्टीमा रुपान्तरित नेतृत्वको आवश्यकता रहेको बताउनुभएको छ ।इन्द्रावती गाउँपालिकाकी उपाध्यक्ष स्व.मिरा अधिकारी लामाको शोक सभालाई सम्बोधन गर्दै उहाँले कांग्रेसलाई विकृति र विसंगतिबाट मुक्ति दिने बेला आएको बताउनुभयो । जसका लागि नेतृत्व परिवर्तन अपरिहार्य रहेको उहाँको भनाइ छ ।
जनताहरूको कांग्रेसप्रतिको भरोसा जीवन्त राख्न जरुरी रहेको पौडेलको भनाइ छ । गणतन्त्र र संघीयताको पहरेदारको रूपमा नेपाली कांग्रेस प्रतिबद्ध हुनुपर्नेमा उहाँको जोड छ ।वरिष्ठ नेता पौडेलले गाउँपालिका उपाध्यक्ष लामाले गर्नुभएका कामको प्रशंसा गर्दै समवेदना प्रकट गर्नुभयो ।श्रद्धान्जली सभामा गाउँपालिका अध्यक्ष तथा गाउँपालिका राष्ट्रिय महासंघका महासचिव वंशलाल तामाङले कार्यकालको २ वर्ष नवित्दै वडा अध्यक्ष र ६ महीना कार्यकाल बाँकी रहँदा उपाध्यक्ष गुमाउनु दुर्भाग्य भएको बताउनुभयो ।
सुशासनको प्रत्याभुति, निष्पक्षता, विभेदरहीत व्यवहार र पारदर्शीतामा उपाध्यक्षको भूमिका महत्वपूर्ण रहेको उहाँको भनाइ छ ।
थप समाचार
रवि लामिछानेलाई कास्की अदालतमा उपस्थित गराइयो
माइतीघरमा रास्वपाको प्रदर्शन
रविलाई पक्राउ गर्न प्रहरीले लियो अदालतको अनुमति
