एकीकृत नेकपा माओवादी केन्द्रको प्रदेश २ अधिवेशन विवादबीच सम्पन्न भएको छ । प्रदेशका सबै स्थानीय तहका अधिवेशन सम्पन्न भए पनि प्रदेश अधिवेशन आइतबार सर्वसहमतिमै प्रदेश कमिटी सदस्य चयन गर्ने गरी सम्पन्न गरिएको छ ।
सर्लाहीको लालबन्दीमा भएको अधिवेशनको बन्द सत्रले प्रदेश कमिटीका २७१ जना सदस्य सर्वसहमतिमै चयन गर्ने गरी सम्पन्न भएको माओवादीका नेता झल्कु यादवले बताए । पुस २५ गतेसम्म सबै जिल्लाले आफ्ना–आफ्ना जिल्लाबाट सर्वसहमति प्रदेश कमिटीका लागि सदस्य चयन गरी प्रदेश निर्वाचन कमिटीलाई पठाउने गरी अधिवेशन सम्पन्न गरिएको उनले बताए । प्रदेश कमिटीमा पार्टीमा संघीय सासद, प्रदेश सासद, पालिकाहरूका प्रमुख, उपप्रमुख, जिल्लाका अध्यक्ष सबै कलस्टरबाट सदस्य रहने निर्णय भएको छ ।
त्यसैगरि, प्रदेश कमिटीमा महिला ३५ प्रतिशत, युवा २० प्रतिशत,दलितको १५ प्रतिशत, मुस्लिम ५ प्रतिशतलगायतका कलस्टरबाट प्रतिनिधित्व गराइने बन्दसत्रबाट सर्वसहमत निर्णय भएको उनले बताए । निर्वाचन कमिटीले जिल्लारजिल्लाबाट आएका सिफारिसका आधारमा प्रदेश कमिटी तयार गरिने र त्यसको घोषणा अध्यक्ष पुष्पकमल दाहाल प्रचण्डले जनकपुरधाममा गर्ने निर्णय भएको उनले बताए ।
प्रदेश कमिटीको पदाधिकारीको विषयमा सर्वसहमत नभएको अवस्थामा प्रदेश कमिटीका लागि सबै जिल्लाबाट चुनिएका २७१ जना भित्रै निर्वाचन भई पदाधिकारीहरूको पदाधिकारी चयन गरिने निर्णय भएको छ । प्रदेश अधिवेशनको बन्द सत्र सम्पन्न भए पनि अहिले पनि सप्तरी, सिरा, धनुषा, सर्लाहीसहित जिल्लाका सबै पालिकाका अधिवेशन सम्पन्न हुन सकेको छैन ।
थप समाचार
मधेस सरकारबाट कांग्रेसका तीन मन्त्री बर्खास्त
मधेस प्रदेशमा बुधबार पनि सार्वजनिक बिदा
