माओवादी केन्द्र पहिचान नभएको पार्टी : पृथ्वीसुब्बा गुरुङ

भैरहवा । नेपाल कम्युनिष्ट पार्टी९एमाले०का उपमहासचिव पृथ्वीसुब्बा गुरुङले देशभक्तिको सवालमा माओवादी केन्द्रको कुनै पहिचान नभएको बताउनुभएको छ ।प्रेस चौतारी नेपाल केन्द्रीय कमिटीको बैठकलाई मंगलबार लुम्बिनीमा सम्बोधन गर्दै गुरुङले एमाले मुलुकको पृथक पहिचान बनाएको पार्टी भएका बताउनुभयो । देशभक्तिपूर्ण आन्दोलनको च्याम्पियन एमाले भएको उहाँको दावी छ ।

पार्टीका प्रचार विभाग प्रमुख तथा गण्डकी प्रदेशका निवर्तमान मुख्यमन्त्री समेत रहनुभएका नेता गुरुङले एमालेले सारा नेपालीलाई एकताबद्ध गरेको बताउनुभयो ।‘परिवर्तनलाई संस्थागत गर्ने पार्टीको रूपमा हाम्रो स्थापित छ, मुलुकको सबैभन्दा लोकतान्त्रिक पाटी हो,’ उहाँले भन्नुभयो, ‘गर्वका साथ भन्छौं, एमाले च्याम्पिन हो, माओवादीलाई चीन÷भारतले समेत प्रयोग गरे, भारतीय इसारामा कांग्रेसको जन्म भयो ।’

नेता गुरुङले एमालेसँग कसैले वैचारिक प्रतिस्पर्धा गर्न नसक्ने बताउनुभयो । एमालेको विचारसँग प्रतिस्पर्धा गर्ने तागत कसैसँग नरहेको बताउदै नेता गुरुङले पार्टी विभाजन गरेका माधव नेपाल सबैभन्दा बढी विधि मिच्ने नेताको रूपमा अग्रसर रहेको आरोप लगाउनुभयो ।त्यस्तै एमालेका स्थायी समिति सदस्य तथा पूर्वमन्त्री भानुभक्त ढकालले अदालतको परमादेशबाट सरकारबाट बाहिरनुपरे पनि एमाले जनताको मनमा बस्न सफल पार्टी भएको दावी गर्नुभयो । उहाँले एमाले एकल बहुमतको सरकार बनाउने गरी लागिपरेको बताउनुभयो ।

पार्टीका पोलिटव्यूरो सदस्य तथा प्युठान जिल्ला इञ्चार्ज सूर्य थापाले संगठनलाई प्रविधिमैत्री बनाउँदै जानुपर्ने बताउनुभयो । एमालेका पोलिटव्यूरो सदस्य खिमलाल भट्टराईले लुम्बिनीको विकासमा एमाले नेतृत्वको सरकारको महत्वपूर्ण योगदान रहेको बताउनुभयो ।पार्टीका प्रचार विभाग उपप्रमुख विष्णु रिजालले सही विचारधारामा आधारित पार्टी एमाले रहेको बताउनुभयो ।