शान्ति नमुनामा गड्यौला पालनका लागि अभिमुखिकरण

तिलोत्तमा,असार २३ । रुपन्देहीको तिलोत्तमा–५ मणिग्राममा रहेको शान्ति नमुना माध्यमिक विद्यालयमा गड्यौला पालनका लागि अभिमुखिकरण कार्यक्रम सम्पन्न भएको छ ।
एक विद्यार्थी एक सिप कार्यक्रम अन्तरगत प्राङगारिक मल बनाउन गड्यौला पालन सम्बन्धी अभिमुखिकरण गरिएको हो । कक्षा ९ मा अध्ययनरत विद्यार्थीहरुमध्ये छनौटमा परेका १ सय जना विद्यार्थीहरुलाई तालिम दिन लागिएको हो ।
कार्यक्रमममा बोल्दै विद्यालयका प्रधानाध्यापक कुल प्रसाद लामिछानेले यस तालिमबाट विद्यार्थीहरुलाई सिपयुक्त व्यक्ति बनाई उनीहरुलाई आयआर्जनमा समेत लाग्न सहज हुने गरी तालिम दिइने बताउनुुभयो ।
कार्यक्रममा पार्वती पशु तथा कृषि फार्मका सञ्चालक तथा प्रशिक्षक आषिश लामिछानेले सहजिकरण गर्नुभएको थियो । उहाँले गड्यौला पालनका फाइदा , विधि, प्रजातिहरु लगायतका विषयमा अभिम’खिकरण गर्न‘भएको थियो ।
विद्यार्थीहरुलाई दोस्रो चरणको तालिम प्रदान गरेर व्यवस्थित तरिकाले गड्यौला पालन र मल उत्पालनका लागि योग्य बनाउने कार्यक्रम रहेको विद्यालयका सहायक प्रधानाध्यापक दिपेन्द्र शाक्यले जानकारी दिनुभयो ।
यसैबिच, शुक्रबारीय कार्यक्रम अन्तरगत कक्षा प्ले गु्रपदेखि यूकेजीमा एल्लो कलर डे, कक्षा १ देखि ३ सम्म विद्यालय अवलोकन कार्यक्रम, कक्षा ४ र ५ का विद्यार्थीहरुको मोक्षधान मानव सेवा आश्रम भ्रमण र कक्षा ७ देखि ९ सम्म कथा निर्माण र वाचन कार्यक्रम सम्पन्न भएको विद्यालयले जनाएको छ ।