हरियाली चापाकोट अभियानलाइ सहयोग गर्न रोटरी क्लब नक्साल शक्ति काठमाडौ , चापाकोटमा

चापाकोट – हरियाली चापाकोट अभियानलाइ सहयोग गर्न रोटरी क्लब नक्साल शक्ति काठमाडौ । चापाकोट आएर वृक्षारोपण अभियानमा सहयोग गरेको छ । रोटरी क्लब नक्साल शक्ति काठमाडौको आयोजनामा चापाकोट नगरपालिका वडा न ९ सितलपार्क क्षेत्र भित्र आप,लिचि अमला,गुल्मर,कल्की पारिजात लगाएतका फलफुलको विरुवा रोप्ने कार्य सम्पन्न भएको छ ।

क्लबका अध्यक्ष डा. लुना अर्यालको अध्यक्षतामा भएको वृक्षारोपण कार्यक्रममा चापाकोट नगरपालिकाका नगर प्रमुख देव बहादुर खाणको प्रमुख आतिथ्यता रहेको थियो । हामिले नगरपालिकालाई फलफुलमा विशेष गरि आँप लिची कागती कटहर जस्ता फल र सडक किनारामा कल्की ,पारिजात,गुल्मर जस्ता फुलहरु रोपेर सुन्दर नगर बनाउने अभियानमा जुटिरहेका बेला रोटरी क्लवले ५ सय बिरुवा रोपेर सहयोग गर्ने उदेश्यबाट चापाकोट आएकोले खुशी व्यक्त गर्दै धन्यवाद दिनुभयो ।नगर प्रमुख खाणले हामीलाई सामाजिक सस्था र स्थानीय नागरिकको सहयोगमा केही बर्षमा सुन्दर चापाकोट नगर बनाउने अभिलाषा पूरा हुने विस्वास व्यक्त गर्नुभयो ।

कार्यक्रममा वडा न ९ का वडा अध्यक्ष कृष्ण सुवेदी डा.उज्ज्वल कोइराला ,तिलक पौडेल, लगाएतले पार्क सफा राख्न सबै जुटनुपर्ने भनाइ व्यक्त गर्नुभयो ।क्लब अध्यक्ष डा.लुना अर्यालले आफुले फेसबुकबाट ६ गते देखि हरियाली चापाकोट अभियान थाहा पाएपछि हातेमालो गरेर सहयोग गर्न चापाकोट आएको भनाइ राख्नुभयो । शितल पार्क समितिका अध्यक्ष विशाल भट्टराईको स्वागत मन्तव्य बाट सुरु भएको कार्यक्रममा रामु बस्यालले सन्चालन गर्नुभएको थियो ।