लायन्स क्लब अफ बुटवल तिनाउले लायन्स क्लबका जन्मदाता मेल्भिन जोन्सको १४५औं जन्मदिनको अवसर पारेर सरसफाई कार्यक्रम सोमबार सम्पन्न गरेको छ । बुटवल–३ स्थित सिद्धबाबा मन्दिर परिसर तथा रामापिथेकस पार्कमा गरेको उक्त कार्यक्रमको संयोजक लायन विना मगर रहनुभएको थियो । उक्त कार्यक्रमलाई सम्बोधन गर्दै प्रमुख अतिथि LCIF Co-ordinator MJF लायन सन्दिप कसौधनले क्लबले गरेको यस किसिमको कार्यक्रमले वातावरणिय स्वच्छतालाई कायम राख्न उल्लेखनिय भूमिका खेल्ने बताउनुभएको थियो । कार्यक्रममा बोल्दै विशिष्ट अतिथि Area Chief MJF लायन कल्पना सिवाकोटी पोख्रेल तथा अतिथि Zone Chairperson लायन वेदप्रसाद गैरे ज्युले सामाजिक कार्यमा सक्रिय लायन्स क्लब अफ बुटवल तिनाउका सम्पूर्ण सदस्यहरुलाई धन्यवाद ज्ञापन गर्नुभएको थियो ।
यसैगरि मेल्भिन जोन्सको जन्मोत्सवको अवसरमा गरिने सप्ताहव्यापी कार्यक्रमको बारेमा क्लबका अध्यक्ष लायन अरुण खनालले प्रकाश पार्नुभएको थियो । पौष २१ (जनवरी ६) बाट सुरु भई एक सातासम्म चल्ने विभिन्न सामाजिक कार्य मध्ये पहिलो दिन बुटवल–७, दिपनगर स्थित निलकण्ठ बाबाधाममा न्यानो कपडा वितरण कार्यक्रम सम्पन्न भईसकेको छ । आगामी कार्यक्रममा पनि उल्लेखनिय रुपमा सहभागी हुन अनुरोध गर्दै अध्यक्ष खनालले उपस्थित सम्पूर्णमा धन्यवाद व्यक्त गर्नुभएको थियो ।
थप समाचार
पर्यटन प्रवद्र्धनमा ध्यान दिनुपर्नेमा जोड
