सशक्त, प्रभावकारी एवं कार्यमुखी बार निर्माण गर्नुपर्ने आवाज उठाउँदै आउने र कानूनी क्षेत्रलाई व्यावसायिक रुपमा लामो समयदेखि अंगाल्दै आएका कानूनमा प्रखर मानिने अधिवक्ता हुन् कृष्णप्रसाद पोख्रेल । नेपाल बारको संस्थागत संरचनागत र नीतिगत सुधार गर्नका लागि आवश्यक कदम चाल्नुपर्ने एजेण्डा उठाउने उनै अधिवक्ता पोख्रेल नेपाल बार एसीसिएसनको केन्द्रीय कार्यसमितिको शनिबार हुने निर्वाचनमा लुम्बिनी प्रदेशको उपाध्यक्ष पदमा उम्मेदवारी दिएका छन् ।
०४८ तिर बुटवल बहुमुखी क्याम्पसमा भर्ना भएका अधिवक्ता पोख्रेल बुटवल झरेपछि कानून विषय लिएर क्याम्पसमा जोडिए । अहिले रुपन्देहीको प्रभावशाली अर्थात् सफल व्यावसायिक अधिवक्ताको छवि बनाएका छन् । अध्ययनलाई हालसम्म पनि सँगसँगै लगेका उनी जिल्लामा सबैभन्दा बढी मुद्धा हेर्ने कानून व्यवसायीको रुपमा परिचित छन् । ०४९ सालमा बुटवल बहुमुखी क्याम्पसमा भएको स्ववियु निर्वाचनमा सदस्य पदमा भिडेर राजनीतिक निर्वाचनको पहिलो अनुभव संगालेका पोख्रेल, नेविसंघ रुपन्देहीको जिल्ला सदस्य हुँदै नेपाल बारको पुनरावेदन अदालत बारको सचिव पदमा समेत निर्वाचित भएर काम गरिसकेको र लुम्बिनी प्रदेश नेपाली काँग्रेसका पूर्व संसदीय दलका नेता अर्थात् जेष्ठ सांसद बलदेव शर्माको प्रमुख कानूनी सल्लाहाकार समेत भइसकेका छन् ।
भ्रष्टाचारले पछिल्लो समय देशको अवस्था दलदलमा पुगेको र भ्रष्टाचारको अन्त्य गर्न जरुरी बताउँदै, त्यसका लागि राज्यको निति निर्माण सहि रुपमा वनाउन आवश्यक रहेको बताए । जसको सल्लाह र अगुवाई बारले गरेर सही नीति नियम बनाउनुपर्ने अधिकारीलाई सुनिश्चित गर्नुपर्ने हाम्रो लक्ष्य छ, अधिवक्ता पोख्रेल बताउँछन् । शिक्षा र स्वास्थ्यका लागि बेथिति बढ्दै गएकाले राज्यले स्वास्थ्यमा निःशुल्क नीति निर्मा गरेको तर लागू नगरेकाले सबैभन्दा पहिले कानुनलाई चुस्त वनाउन तर्फ लाग्ने जिकिर गरे । वरिष्ठ अधिवक्ता प्रा.डा. विजयप्रसाद मिश्र नेतृत्वको वृहत लोकतान्त्रिक, प्रगतिशील, पेशागत, राष्ट्रवादी एवं समावेशी कानुन व्यवसायी समूहबाट पोखे्रलले लुम्बिनी प्रदेशको उपाध्यक्ष पदमा उम्मेदवारी दिएका हुन् ।
थप समाचार
बुटवलका सबै वडामा स्वास्थ्य केन्द्र स्थापना
