प्रकाश न्यौपाने
चैत २२ गते
नवलपरासी।बर्दघाट नगरपालिका–९, बर्दघाटस्थित पञ्चनगरमा आज आयोजित रक्तदान कार्यक्रममा २२ जनाले रक्तदान गरेका छन्। बर्दघाट–९ का स्थायी बासिन्दा तथा सुलभ फार्मेसीका सञ्चालक बाबुराम तिमल्सिनाको पहलमा आयोजना गरिएको हो।
जन्मदिनको अवसरमा सामाजिक उत्तरदायित्व निर्वाह गर्ने उद्देश्यका साथ आयोजित कार्यक्रममा १७ जना पुरुष र ५ जना महिलाले रक्तदान गरेका हुन्। तिमल्सिनाले आफ्नो जन्मदिन विशेष बनाउने हेतुले सामाजिक कार्यको रुपमा रक्तदान कार्यक्रमको आयोजना गर्नुभएको हो। “जन्मदिनलाई रमाइलो मात्र नभई समाजका लागि उपयोगी बनाउने प्रयासस्वरूप यो कार्यक्रम आयोजना गरिएको हो,” तिमल्सिनाले भन्नुभयो।
रक्तदान कार्यक्रम जिल्ला रक्त सञ्चार केन्द्र, नवलपरासीको प्राविधिक सहयोग, नेपाल रेडक्रस सोसाइटी पञ्चनर उपशाखाको समन्वय र सुलभ फार्मेसीको आयोजनामा सम्पन्न भएको हो। तिमल्सिना पञ्चनगर स्वास्थ्य चौकीका प्रमुख समेत हुनुहुन्छ।
सामाजिक उत्तरदायित्व बोक्ने यस्ता कार्यले समुदायमा सकारात्मक सन्देश प्रवाह गर्ने सहभागीहरू बताउँछन्।
थप समाचार
