पश्चिम नवलपरासीको सुनवलमा आज सोमबार बिहान थप ५ जनामा कोरोना संक्रमण पुष्टि भएको छ । जिल्ला स्वास्थ्य कार्यालय पश्चिम नवलपरासीका प्रमुख गौरब ढकालले रेडियो परासीलाई दिएको जानकारी अनुसार एक महिला र चार पुरुषमा कोरोना संक्रमण पुष्टि भएको हो । संक्रमण पुष्टि हुनेमा सुनवल वडा नम्बर १ का २६ वर्षिय पुरुष, वडा नम्बर ११ मा ४१ वर्ष , वडा नम्बर ९ मा २४ वर्ष, वडा नम्बर १० मा ३१ वर्षका पुरुषमा संक्रमण पुष्टि भएको हो भने वडा नम्बर ३ कि ५६ वर्षिय एक महिलामा पनि कोरोना संक्रमण पुष्टि भएको ढकालले बताउनुभयो ।
सुनवलमा वडा नम्बर एकमा बढि संक्रमित भेटिएका छन् । उनिहरु सबैको काठमान्डौ स्थीत राष्ट्रिय जनस्वस्थ्य प्रयोगशाला टेकुमा परिक्षण गरिएको हो । यहि असार दुई र तिन गते संकलन गरि स्वाव पठाईएकाको आज रिपोर्ट आएको हो । उनिहरु सबै सामुदायिक क्वारेन्टाईनमा रहेका थिए । यस संगै सुनवलमा कोरोना संक्रमितको सङख्या ३२ पुगेको छ भने जिल्लामा संक्रमितको सङख्या ७९ पुगेको छ ।
