च्याउको निती बनाई नेपाली च्याउको बजारीकरणमा सघाउन च्याउ उत्पादक किसानहरुको सरकारसंग माग

१६ कार्तिक २०७५, शुक्रबार ०   बिचार / प्रतिक्रिया
4 Shares


नेपाल च्याउ उत्पादक किसान महासंघका केन्द्रीय अध्यक्ष प्रेमनारायण अधिकारीले नेपाली च्याउको बजारीकरण मा सरकारले जोड दिनुपर्ने बताएका छन् ।भारतबाट आयात भएको च्याउ छोटो समयमै क्वारेन्टाईन गरेर नेपाल आयात गरिने भएकाले यसलाई रोकी नेपाली च्याउ उत्पादक किसानहरुबाट उत्पादन गरिएको च्याउको बजारीकरणमा सरकारले सहयोग गर्नुपर्ने बताए । च्याउ उत्पादक किसान संघ रुपन्देहीको प्रथम अधिवेसन तथा भेलालाई सम्बोधन गर्न बुटवल आएका अधिकारीले रिपोर्टस क्लव ५ नम्बर प्रदेश कार्यालयमा आयोजना गरिएको कार्यक्रमलाई सम्बोधन गर्दैै च्याउ लाई घण्टौ समय परिक्षण गरेर मात्रै प्रयोग गर्नुपर्ने बताए । । ढुंसिजन्य बस्तु आयात गर्दा क्वारेन्टाईनमा ल्याव परिक्षण गर्नुको सट्टा ५ देखि १० मिनेट भित्रमा नै च्याउ क्वारेन्टाइन गरी नेपाल भित्रिउको प्रति उनले विरोध समेत गरे ।
कार्यक्रममा बोल्दै च्याउ उत्पादक किसान संघ रुपन्देहीका अध्यक्ष तथा केन्द्रीय सदस्य गंगाधर शर्मा ले च्याउको नीति नबन्दा छिटो समयमा नै नष्ट हुने च्याउको भण्डार तथा बजारीकरणमा ठोस कदम सरकराले अगाडी बढाउन नसकेको बताए । उनले छिटो भन्दा छिटो च्याउ नीति बनाएर च्याउ क्षेत्रको विकासको लागि प्रदेश, स्थानिय र केन्द्रीय सरकार लग्नुपर्नेमा जोड दिए ।

रुपन्देहीमा रहेका च्याउ उत्पादक किसानहरुको भेलाबाट च्याउ उत्पादक किसान संघ रुपन्देही गठन गरिएको छ । जसको अध्यक्षमा स्पीन्जर च्याउ फर्म कञ्चन रुपन्देहीका अध्यक्ष गंगाधर शर्मा चयन भएका छन् । केन्द्रीय अध्यक्ष प्रेमनारायण अधिकारी, केन्द्रीय कोषाध्यक्ष विकास रिमाल लगायतका पदाधिकारीहरुको रोहवरमा भएको भेलाबाट उपाध्यक्षमा कृष्णराज पोखरेल, सचिवमा रिसव पोखरेल, सह सचिवमा बसन्त छन्त्याल र कोषाध्यक्षमा राजन शर्मा पौडेल चयन भएका छन् । यस्तै सदस्यहरुमा जीवलाल न्यौपाने, शोभा सर्मा, कृष्ण श्रेष्ठ, बाबुराम पौडेल, श्रवण बराई, ओम प्रसाद थारु, दिपा भट्राई, कृष्ण आले र सन्तोष थापा रहेका छन् ।

फेसबुकबाट तपाईको प्रतिक्रिया