१२० परिसुचक पुरा गर्दै शहिद नारायण पोखरेल रामापुर क्याम्पसले पायो क्यूएए

१० असार २०७७, बुधबार ०   बिचार / प्रतिक्रिया


ललित पाण्डेय सैनामैना १०, असार  -रुपन्देहीको सैनामैना वडा नं. ६ मा रहेको शहिद नारायण पोखरेल रामापुर क्याम्पसले गुणस्तर प्रत्यायन प्रमाणपत्र (क्यू.ए.ए.) प्राप्त गरेको छ। क्याम्पसले विश्व विद्यालय अनुदान आयोगले तय गरेका मापदण्ड पुरा गर्दै क्युएए प्राप्त गरेको बुधबार पत्रकार सम्मेलनको आयोजना गरि जानकारी दिएको छ। क्याम्पस प्रमुख यदुलाल पन्थले शैक्षिक गुणस्तरको बृद्धि गर्दै क्याम्पसको विकासको लागि उच्च शिक्षा सुधार परियोजना मार्फत विभिन्न मापदण्ड पुरा गर्दै क्याम्पसले क्युएए प्राप्ती गरेको जानकारी दिनुभयो। क्याम्पसले ८ वटा विषय क्षेत्रका १२० परिसूचकहरु पुरा गर्दै क्यूएए प्राप्त गरेको उँहाले बताउँनुभयो। क्यू.ए.ए प्राप्तीले गर्दा क्याम्पसको शैक्षिक तथा भौंतिक विकासको लागि अनुदान प्राप्त हुने भएको छ । क्याम्पसको भौंतिक निर्माणको लागि ३ करोडसम्मको अनुदान प्राप्त हुने भएको छ ।

क्याम्पसले अब प्राविधिक विषय थप गदैै ब्यवस्थापन संकायमा स्नातकोत्तर तह थप गर्ने भएको छ । यस्तै प्रध्यापक कर्मचारीहरुलाई थप अध्ययन र अनुसन्धानको लागि प्रोत्साहित गरी गुणस्तर अभिृबद्धिमा जोड दिने क्याम्पस प्रमुख पन्थले जानकारी दिनुभयो । क्याम्पसले छोटो समयमा नै क्युएए प्राप्ती गरेको शहिद नारायण पोखरेल रामापुर क्याम्पस ब्यवस्थापन समितिका अध्यक्ष डिल्लिराज ज्ञवालीले जानकारी दिनुभयो ।क्यूएए प्राप्तीको प्रक्रिया ५ वर्षमा पुरा गर्द्र क्याम्पसले छोटो समयमा नै क्यूएए प्राप्त गर्न सफल भएको उँँहाले दाबी गर्नुभयो। छोटो समयमा नै क्यूएए पाप्तीको सफलताले क्याम्पसको शैक्षिण गुणस्तर , भौंतिक विकास र समुदायसँगको सम्बन्धले प्रमाणित गरेको दाबी गर्नुभयो

क्यूएएको अवधि ५ वर्षको हुने उँहाले बताउँदै विश्व विद्यालय अनुदान आयोगले दिएको मापदण्डलाई क्याम्सले सधैं राखिरहेने जनाउँनुभयो ।
यस्तै क्याम्सले आगामी १० वर्ष गुरुयोजना समेत पत्रकार सम्मेलनमा सार्वजनिक गरेको छ । क्याम्पसले शैक्षिक भवन निर्माणदेखि सभाहल, आवस भवन, पुस्तकालय , कम्पाउण्ड वाल, आन्तरिक सडक, खानेपानी , चौर ब्यवस्थापन , पार्किङ्ग, क्यारिज , पार्क निर्माणको लागि ३२ करोड लागतको गुरुयोजना तयार गरेको छ। कार्यक्रममा क्यूएए कोर्डिनेटर विष्णु अर्यालले क्यूएए प्राप्तीको लागि क्याम्पसले पुरा गरेको प्रक्रियाको बारेमा जानकारी दिनु भएको थियो भने क्याम्पसका प्रशासन अधिकृत मदन थापाको सञ्चालनमा सम्पन्न भएको थियो । क्याम्पसमा हाल स्नातक र स्नातकोत्तर तह गरि ९ सय ११ विद्यार्थी रहेका छन । रुपन्देही जिल्लामा ५ वटा क्याम्पसले क्यूएएको मान्यता पाएका छन ।

फेसबुकबाट तपाईको प्रतिक्रिया