बैदेशिक रोजगारका क्रममा मृत्यु भए मृतकका परिवारलाई सियारी गाउँपालिकाले ५० हजार रकम दिने

१६ श्रावण २०७७, शुक्रबार ०   बिचार / प्रतिक्रिया


नरेश चौधरी, रुपन्देही, साउन १६ । रुपन्देहीको सियारी गाउँपालिकाले बैदेशिक रोजगारका क्रममा मृत्यु भए मृतकका परिवारलाई रु। ५० हजार दिने भएको छ । तेस्रो तथा खाडी मुलुकमा गै बैदेशिक रोजगारका क्रममा मृत्यु भए मृतकका परिवारलाई आत्मानिर्भर गराउने उद्देश्यले सो रकम दिने गाउँपालिका अध्यक्ष अयोध्या थारुले बताउनु भयो ।

बैदेशिक रोजगारका क्रममा सियारी–५ बस्ने अमृत जि।सी।को साउदी अरवमा मृत्यु भए पछि उनको शोक सभा कार्यक्रममा गाउँपालिका अध्यक्ष अयोध्या थारुले यस्तो कुरा बताउनु भएको हो ।घरमा आर्थिक अवस्थ कम्जोर भएर बैदेशिक रोजगार गर्न जानु बाध्यता हो, बैदेशिक रोजगारका क्रममा मृत्यु भए घरका सदस्यहरुको विचल्ली वा परिवारको आर्थिक स्थिति झन् कम्जोर हुनसक्ने भएकोले यस कुरालाई मध्यनजर गर्दै मृतकका परिवारलाई आर्थिक सहयोग गरिने उहाँले बताउनु भयो ।

उहाँले भन्नु भयो– “बैदेशिक रोजगारका क्रममा साउदी अरवमा अमृत जि।सि।को दुःखद् निधन भयो, परिवारमा आम्दानीको स्रोत गुम्ने भयो, परिवारलाई आत्मानिर्भर बनाउन गाउँपालिकाले सहयोग गर्छ, सहयोगका लागि रु।५० हजार रकम गाउँपालिकाको तर्फबाट दिईने छ र अब उपरान्त तेस्रो तथा खाडि मुलुकमा रोजगारका शिलशिलामा मृत्यु भए मृतकका परिवारका नजिकका सदस्यलाई गाउँपालिकाले ५० हजार दिईनेछ जसले व्यावसाय वा अन्य काम गरि आत्मानिर्भर हुन सहयोग मिल्ने छ ।”

सहयोग रकम तथा राहत पाउनका लागि वैदेशिक रोजगारका क्रममा मृत्यु भएका ब्यक्ति र मृतकका परिवार सियारी गाउँपालिका भित्रका स्थायी बासिन्दा हुनु पर्ने र तेस्रो तथा खाडी मुलुकमा रोजगारका शिलशिलामा मृत्यु भए मात्र सो रकम मृतकका पारिवारका नजिकका सदस्यले पाउने गाउँपालिका उपाध्यक्ष तथा प्रवक्ता अमृता गुरुङले बताउनु भयो ।

फेसबुकबाट तपाईको प्रतिक्रिया



ताजा समाचार

  • कालीगण्डकीमा नेकपामा पहीरो । युवाहरु सामुहीक रुपमा कांग्रेसमा प्रवेश
  • बरियारपट्टी गाउँपालिकाको सम्पुर्ण बिधालयहरु संचालनमा आए पछि : विद्यार्थीहरुमा खुशीयाली
  •  जोन ६३ को एडभाइजर कमिटीको प्रथम बैठक सम्पन्न
  • कञ्चन जेसिजको स्वास्थ्यका लागि खेलकुद प्रतियोगिता सम्पन्न
  • चाटर्स डेमा विभिन्न कार्यक्रम
  • करणी उद्योगको झुठ्ठा जाहेरी दिलाउने पक्राउ
  • ४ दिन पहिला परेको वर्षाले तरकारीका बोट नष्ट । जिल्लाका…
  • कपिलबस्तुको कृष्णनगर हुँदै भारततर्फ लाँदै गरेको साढे सात किलो लागूऔषध…
  • दोब्बर भाडा लिने सवारी प्रहरीे फन्दामा
  • विद्यालय खुलेसंगै स्वास्थ्य मापडण्डका वारेमा अनुगमन सुरु