नेपालसँग भगवान रामको आत्मीय सम्बन्ध रहेको छ : मोदी

२१ श्रावण २०७७, बुधबार ०   बिचार / प्रतिक्रिया


काठमाडौँ– भारतीय प्रधानमन्त्री नरेन्द्र मोदीले नेपालसँग भगवान रामको आत्मीय सम्बन्ध रहेको बताएका छन् । उनले त्यस्तो आत्मीय सम्बन्ध जानकी माता सीतासँग जोडिएको बताए ।मोदीले बुधबार भारतको अयोध्यामा राम मन्दिर निर्माणका लागि भूमिपूजा गर्ने कार्यक्रमम उक्त कुरा बताएका हुन् । उनले भारतबाहेक दर्जनभन्दा बढी देशमा राम स्मरण हुने गरेको बताए । मोदीले दिउँसो १२ बजेर ४४ मिनेटको साइतमा चाँदीले निर्मित पाँचवटा इँटा जगमा राखेर भूमि पूजा गरेका हुन् । हेलिकप्टरबाट अयोध्या गएका मोदीले भूमि पूजाअघि हनुमानगढीमा पूजा र आरती गरेका थिए ।

भूमि पूजामा प्रधानमन्त्री मोदीसँगै उत्तर प्रदेशका मुख्यमन्त्री योगी आदित्यनाथ, संघका प्रमुख मोहन भागवत र राज्यपाल आनन्दीबेन पटेल लगायत उच्च अधिकारीहरु सहभागी थिए ।सोही कार्यक्रममा सहभागी भएका योगगुरु रामदेवले अयोध्यामा एउटा भव्य गुरुकुल बनाउने घोषणा गरे ।भारतको उत्तर प्रदेश राज्यमा पर्ने भगवान रामको जन्मभूमि मानिने अयोध्यामा सन् १९९२ मा हिन्दू भिडले इस्लाम धर्मावलम्बीको बाबरी मस्जिद भत्काएको थियो । बाबरी मस्जिद राम मन्दिर भत्काएर बनाइएको उनीहरूको दाबी थियो ।सो स्थानको स्वामित्वका लागि भारतमा हिन्दू र मुस्लिम संगठनहरुबीच विवाद रहे पनि गत वर्ष भारतको सर्वोच्च अदालतले सो स्थान हिन्दूहरूको पनि हुने फैसला गरेको थियो । अदालतको फैसलापछि राममन्दिर निर्माणका निर्णय भएको थियो ।

फेसबुकबाट तपाईको प्रतिक्रिया