गुल्मी समाज भिक्टोरिया र नेपअस क्रियुको संयुक्त आयोजनामा एकल तिज नृत्य प्रतियोगिता

२६ श्रावण २०७७, सोमबार ०   बिचार / प्रतिक्रिया


कौरव खत्री ,गुल्मी २६साउन । गुल्मी समाज भिक्टोरिया अष्ट्रेलिया र नेपअस क्रियुको संयुक्त आयोजनामा नारीहरुको महान पर्व हरितालिका तिजका अवसरमा एकल तिज नृत्य प्रतियोगिता सञ्चालन गर्ने भएको छ । कोभिड १९को प्रभावले गर्दा खुला ठाँउमा बाहिर जमघट गरि तिज कार्यक्रम गर्न नसकिने भएकोले यस बर्ष भने अनलाइन मार्फत एकल तिज नृत्य प्रतियोगिता आयोजना गरिएको गुल्मी समाज भिक्टोरिया अष्ट्रेलियाका सचिव प्रकाश अर्यालले जानकारी दिए ।

त्यस्तै प्रतियोगिताको पहिलो चरणमा यहि साउन ३१गते भित्र आफ्नो प्रस्तुतीको भिडियो पठाइसक्नु पर्ने र अन्तिम फाइलन प्रतियोगिता भने आउँदो भाद्र ५गते आयोजना गरिने गुल्मी समाज भिक्टोरिया अष्ट्रेलियाका सचिव प्रकाश अर्यालले जानकारी दिए । गुल्मी समाज भिक्टोरिया अष्ट्रेलियाले कोभिड १९ को कारणले गर्दा हाम्रो मौलिक संस्कृतिको जर्गेना गर्नका एकल तिज नृत्य प्रतियोगिता आयोजन ागर्न लागेको समाजले जनाएको छ ।

साथै प्रतियोगितामा नेपाल सहित अष्ट्रेलिया र न्यूजिरल्याण्ड देशभित्र रहेका नेपाली कलाकारहरुले एकल नृत्य प्रतियोगितामा सहभागिता जनाउन सक्ने समाजले जनाएको छ । सहभागिता जनाउनका लागि समाजको इमेल आइडी [email protected] मा आफ्नो प्रस्तुतीको भिडियो मेल गर्न सकिने समाजले जनाएको छ। साथै प्रतियोगिता बारेमा विस्तृत जानकारीको लागि तलको लिंक मार्फत सम्पूर्ण जानकारी लिन सकिने छ ।.https://m.facebook.com/story.php?story_fbid=2690473897897383&id=1749320122012770त्यस्तै तिजको नृत्य प्रतियोगितामा कलाकारहरुले आफ्नो प्रस्तुतीको भिडियोहरु संकलन गरि त्यसैका आधारमा मूल्याङ्कन गरिने छ ।त्यस्तै मूल्याङ्कन बरिष्ठ कलाकार बोम बहादुर कार्की,राष्ट्रिय कलाकार मञ्जु पौडेल,सायद श्रेष्ठ,कृति खनाल,विदुर शिवाकोटीबाट हुने जनाइएको छ । तिज नृत्य प्रतियोगितामा विशेष गरि तिजको पुरानो मौलिकपन र कला संस्कृति बोकेको नृत्यलाई प्राथमिकता दिइने जनाएको छ । गुल्मी समाज भिक्टोरिया अष्ट्रेलियाले पहिलो पटक आयोजना गर्न लागिरहेको एकल तिज नृत्य प्रतियोगिमा प्रथम,द्धितीय र तृतीय हुनेले क्रमश नगद रु.६३ हजार,४२हजार ५ सय,२१हजार र सम्मान पत्र प्रदान गरिने गुल्मी समाजका सचिव अर्यालले जानकारी दिए ।

फेसबुकबाट तपाईको प्रतिक्रिया



ताजा समाचार

  • नेपाली कांग्रेस वडा समितिद्धारा सम्मान
  • स्थानीय भन्छन् सुमित जस्तै ईन्चार्जको लहानमा खाचो छ
  • रुपन्देहीका शिब राज बेल्बासेको संयोजकत्वमा साझा युवा संगठन प्रदेश नम्बर…
  • प्रधानमन्त्रीका निजी चिकित्सक शाहलाई कोरोना संक्रमण
  • पहिरोबाट विस्थापित ३ परिवारलाई गुल्मी चारपाला रुपन्देही सम्पर्क समाजको सहयोग
  • उपभोक्ता हित संरक्षण समिती नेपालको सिद्धार्थनगर भैरहवा शाखा गठन
  • रोटरीद्वारा इन्ट्रयाक्टरहरुलाई जीवन उपयोगी सीप विकास कार्यशाला
  • शनिवार नेपालमा थपिए १ हजार २०७ जना कोरोना संक्रमित, कुल…
  • कालीगण्डकी स्याङ्जाका युवा व्यावसायिक कृषिमा अभ्यस्त
  • बाघको आक्रमणबाट एक जनाको मृत्यु