यी व्यक्तिले ६२ , ४ किलोमिटर दौडिएर मनाए आफ्नो ६२ औँ जन्मदिन

१२ भाद्र २०७७, शुक्रबार ०   बिचार / प्रतिक्रिया


काठमाडौं । इन्टरनेटको दुनिया अहिले यस्ता अनगिन्ती सामग्रीहरुको खुल्ला संग्रह बनेको छ, जहाँ दुनियालाई नै चकित पार्ने खालका कैयन् मानिसहरुका गतिविधि तथा प्रसंगहरु हेर्न तथा अध्ययन गर्न पाइन्छ । कतिपय मानिसहरुले आफ्नो ढल्किँदो उमेरमा पनि यस्तो कार्य गरिरहेका हुन्छन् कि त्यसबाट उमेर भन्नु त केवल संख्या मात्रै हो भन्ने पुष्टि हुन्छ ।

दृढ आत्मविश्वासी ती मानिसहरुले आफूले चाहेको कुरा प्राप्त गर्ने मार्गमा आफ्नो बढ्दो उमेरलाई तगारो बन्न दिँदैनन् । हालै एकजना यस्तै व्यक्तिको समाचार सोसल मिडियामा निकै चर्चित बनेको छ । छिमेकी मुलुक भारतको हरियाणास्थित पानीपतका बासिन्दा जसमेर सिंह सिद्दुले गत अगष्ट २५ का दिन आफ्नो ६२ औँ जन्मोत्सव मनाए । उनले आफ्नो ६२ औँ बर्थडेलाई निकै स्मरणीय बनाएका छन् । उनले आफ्नो जन्मदिनमा ६२ दशमलव ४ किलोमिटर दौडिएर आफ्नो बर्थडे मनाएका छन् ।

रोचक त के भने सिद्दुले यसअघि पनि आफ्नो बर्थडेमा आफू जति वर्षको भयो उति नै किलोमिटर दौडिने गरेका थिए । बर्थडेका दिन दौडिँदै गरेको भिडियो उनले आफ्नो ट्वीटरमा शेयर गरेका छन् । उक्त भिडियोको क्याप्सनमा उनले लेखेका छन्, ‘मैले आज आफ्नो जिन्दगीको ६२ वर्ष पूरा गरेँ । र, यही मौकामा ६२।४ किलोमिटर दौड पूरा गरेँ । अहिले पनि म आफ्नो उमेरभन्दा अगाडि छु ।’ ट्वीटरमा उनले अपलोड गरेको भिडियो निकै भाइरल बन्यो जसले २ लाखभन्दा धेरै भ्यूज तथा हजारौँ लाइक्स प्राप्त गरिसकेको छ । उक्त भिडियोमा धेरै मानिसहरुले अनेक खालका प्रतिक्रिया दिएका छन् र अधिकांशले उनको प्रशंसा गरेका छन् ।–एजेन्सी@onlinekhabar

फेसबुकबाट तपाईको प्रतिक्रिया



ताजा समाचार

  • तरुण दलका कार्यकर्ताको हत्यामा संलग्नलाई कारबाही गर्न कांग्रेसको माग
  • पश्चिम नवलपरासीमा २ वटा गाडी सहित ४४ लाख मूल्य बराबरको…
  • सोमनाथ बाबा क्याम्पस सुनवलद्धारा बि।बि।एस। चौथो बर्षका विद्यार्थीहरुलाई विदाई ।
  • गणस्तरिय शिक्षाका लागि शिक्षकलाई तालिम
  • जुम्लाको तिला गाउंपालीका मा आगलागीबाट २५ घर जलेर नष्ट
  • कक्षा १२ को परिक्षाफल आउन अझ केही दिन लाग्ने
  • सुरु भयो कोरोना खोप अभियान
  • बुवाको स्मृतिमा शक्ति गौचनले तेस्रोपटक क्रिकेट प्रतियोगिता गराउँदै
  • कोरोना विरुद्धको खोप ‘कोभिसिल्ड’ बुधबार बिहान १० बजेदेखी लुम्बिनी प्रदेशका…
  • विघटन भएको प्रतिनिधिसभा पुनस्र्थापनाको कुनै संभावना छैन : अर्थमन्त्रि पौडेल