गजल – खुसी हुने कुन छ भन्दा फेरि भेटौँला (पवित्रदीप) 

३ आश्विन २०७७, शनिबार ०   बिचार / प्रतिक्रिया


गजल, 

लेखक पुर्ण भण्डारी “पवित्रदीप” 

खुसी हुने कुन छ भन्दा फेरि भेटौँला ।
साँच्चै मन रुन्छ भन्दा फेरि भेटौँला ।।

माया गाढा हुन्न रे सँगै हुँदा जस्तो ।
दिमागले ओठ थुन्छ भन्दा फेरी भेटौँला ।।

एउटै भुगोल भित्रै त हो तिमी र म प्रिय
किन सकस् हुन्छ भन्दा फेरि भेटौँला ।।

विश्व एउटै गाउँ भो प्रविधिले तर ।
कता कता छुन्छ भन्दा फेरी भेटौँला ।।

सधै सँगै बसौँ न हुँदैन र सानु ।
पृथ्वी नै घुम्छ भन्दा फेरी भेटौँला ।।

प्रभाव थियो तिम्रो अभाव हुँदा यो पूर्ण ।
तिमीलाई नै चुम्छ भन्दा फेरी भेटौँला ।।

फेसबुकबाट तपाईको प्रतिक्रिया