केन्द्रिय कारागारमा एक कैदिको शंकास्पद मृत्यु

६ आश्विन २०७७, मंगलवार ०   बिचार / प्रतिक्रिया


काठमाडौं, ६ असोज । कोरोना भाइरस संक्रमणबाट केन्द्रीय कारागार सुन्धाराका थप एक कैदीको ज्यान गएको छ ।असोज ३ गते मृत्यु भएका रुपन्देहीका ६३ वर्षीय पुरुषमा सोमबार साँझ संक्रमण पुष्टि भएको कारागार प्रमुख जेलर लक्ष्मीप्रसाद बाँस्कोटाले जानकारी दिए ।

उनको गत शनिबार वीर अस्पतालमा उपचारको क्रममा ज्यान गएको थियो । मृत्युपछि गरिएको परीक्षणमा उनमा कोरोना देखिएको हो ।कर्तव्य ज्यान मुद्दामा जन्म कैदको जेल सजाय काटिरहेका उनी मिर्गौला रोगी थिए । उनलाई स्वासप्रस्वासमा समस्या देखिएपछि शनिबार वीर अस्पताल भर्ना गरिएको थियो । त्यही दिन उनको मृत्यु भएको थियो ।

उनका आफन्तले भने कोरोना र बिमारी नभई अन्य कारणले नै ज्यान गएको गुनासो गरिरहेका छन् । आफन्तसँग छलफल भइरहेको जेलर बाँस्कोटाले बताए । केन्द्रीय कारागारमा हालसम्म ६ जना कोरोना संक्रमितको ज्यान गएको छ ।

फेसबुकबाट तपाईको प्रतिक्रिया