पछिल्लो २४ घण्टामा १३ जनाको ज्यान गयो, ठाउँ–ठाउँमा सडक बन्द

८ आश्विन २०७७, बिहीबार ०   बिचार / प्रतिक्रिया


काठमाण्डौ – बाढी र पहिरोका कारण पछिल्लो २४ घण्टामा देशभर १३ जनाको ज्यान गएको छ । स्याङ्जाको वालिङ नगरपालिका १४ मा पहिरोले घर पुरिँदा एकै परिवारका आठ जनासहित नौ जनाको ज्यान गएको छ । एक जनाको भने उद्धार गरिएको छ ।

बिहीबार बिहान माया नेपालीको घरमा पहिरो खस्दा उहाँसहित नौ जनाको ज्यान गएको जिल्ला प्रहरी कार्यालय स्याङ्जाले जनाएको छ । प्रहरीका अनुसार पहिरोमा परेर सानु नेपाली, माया नेपाली, मायाका छोराहरु दीपक, कुलदीप र विवश, बुहारी विनिता तथा नाति शिशिर र पाहुना आएकी उमाकला नेपालीको ज्यान गएको हो ।

स्याङ्जाकै कालीगण्डकी गाउँपालिका ४ बिर्घाको गौतम टोलमा पहिरोले घर भत्काउँदा बाबुराम दमाईका छोरा विष्णुको ज्यान गएको प्रहरीले जनाएको छ ।

यसैबीच बाग्लुङको काठेखोला गाउँपालिका–२ को भीमापोखरामा गोठ भत्किँदा बुधबार बेपत्ता भएका टेकबहादुर खातीको शव बिहीबार भेटिएको छ ।

कपिलवस्तुको कोइली खोलाले बगाउँदा बेपत्ता भएकामध्ये अर्घाखाँचीका केशव भाट क्षेत्रीको शव भेटिएको छ । यस्तै पाल्पाको रम्भा गाउँपालिका २ को फोक्सिङकोटमा तीन घर पहिरोले बगाउँदा मोतिसरा गाहाको ज्यान गएको छ । हुमबहादुर गाहाको पाँच जनाको परिवार हराइरहेका छन् ।

ठाउँ–ठाउँमा सडक बन्द 

वर्षाका कारण देशका विभिन्न ठाउँका सडक खण्ड बन्द भएका छन् । लमजुङको राइनास नगरपालिका ८ को गौरीटारमा पहिरो खस्दा राष्ट्रिय गौरवको मध्यपहाडी लोकमार्गअन्तर्गत लमजुङ खण्ड बन्द भएको छ । यस्तै पृथ्वी राजमार्गको धादिङ खण्डमा ठाउँ–ठाउँमा पहिरो गएको छ । जोगीमारा, मौवा खोला, जवाङखोला, तिकराङ, गजुरीको घाटबेँसीलगायत २० भन्दा धेरै ठाउँमा पहिरो गएको सडक साइट कार्यालय गजुरीका प्रमुख इन्जिनियर कृष्णराज अधिकारीले बताउनुभयो ।

यस्तै तनहुँको भीमाद नगरपालिका २ का खडानन्द सिग्देलको गोठ भत्किँदा गोठमा रहेका वस्तु मरेका छन् । यस्तै वर्षाका कारण स्काईको नेटवर्कले काम नगर्दा रुकुम (पूर्व) को पुथाउत्तरगङ्गा गाउँपालिकाका विभिन्न क्षेत्रका नागरिक सञ्चारविहीन बनेका छन् ।

बाढी पहिरोको उच्च जोखिम

पूर्वदेखि पश्चिमसम्म सोमबारदेखि निरन्तर पानी परिरहेकोले बाढी पहिरोको उच्च   सम्भावना रहेको बाढी पूर्वानुमान शाखाले जनाएको छ । एक÷दुई दिन अझै पानी पर्ने सम्भावना रहेकोले बाढी पहिरोको जोखिम कायमै रहेकोले विशेष सावधानी अपनाउन शाखाको आग्रह छ ।

बुटवल तिनाउ नदीको जलमापन केन्द्रमा पानीको सतहले खतराको तह पार गरेको र तह बढ्ने क्रममा रहेको शाखाले जनाएको छ । तिनाउ नदी तटीय क्षेत्र र आसपास डुबान हुन सक्ने होचा ठाउँहरुमा उच्च सतर्कता अपनाउन शाखााको आग्रह छ ।

अहिले पनि देशका विभिन्न ठाउँमा पानी परिरहेको छ । भारतको मध्य प्रदेशको पूर्वी क्षेत्रमा बनेको न्यून चापीय क्षेत्र उत्तर पूर्व सरिरहेकाले नेपालका विभिन्न ठाउँमा ठूलो पानी परिरहेको शाखाले जनाएको छ ।

सामान्यतया सेप्टेम्बर २३ मा नेपालबाट मनसुन बाहिरिनुपर्ने भए पनि केही वर्षयता ढिला प्रवेश गरी ढिलै बाहिरिने गरेको छ ।

फेसबुकबाट तपाईको प्रतिक्रिया



ताजा समाचार

  • शैक्षिक गुणस्तर सुधारका लागि स्रोतको परिचालन गर्न राष्ट्रपतिको आग्रह
  •  ओलीको चुनावी भविष्यवाणी सफल हुन्न:माधव नेपाल
  • तेस्रो राष्ट्रिय बुटवल मेयर कप अण्डर १८ टेबल टेनिस प्रतियोगिता…
  • प्रधानमन्त्रिले अगतिला कुरा मात्र बोल्न जानेका छन् : नेपाल
  • ‘कोभिशिल्ड’ खोप दोस्रो दिन आज २८ हजार सात सय ३२…
  • भोलिदेखि चौथो सन्जिवनी नकआउट फुटबल सुरु हुने
  • कोरोनाबाट मृत्यु हुनेको संख्या शुन्यमा झर्‍यो
  • कञ्चनमा महिलालाई बलत्कारको प्रयास गर्ने एक युवा प्रहरीको हिरासतमा
  • ओलीको निरंकुशता चुड्कीको भरमा ध्वस्त पार्छौं: प्रचण्ड
  • वालिङमा उत्पादित बस्तुहरुको बजार सम्म पुर्याउन व्यवस्थित च्यानलको शुरुवात्