जनप्रतिनिधिका लागि चाडपर्व खर्च दिएका छैनौँ : लुम्बिनी प्रदेश सरकार

२ कार्तिक २०७७, आईतवार ०   बिचार / प्रतिक्रिया


काठमाडौं– संघीय संसदका सांसदहरुलाई दसैं भत्ताबापत् खर्च उपलब्ध गराएको विषयमा विरोध भइरहेका बेला लुम्बिनी प्रदेश सरकारले भने आफ्नो प्रदेशअन्तर्गत चाडपर्व खर्चको प्रवन्ध नगरेको प्रष्ट पारेको छ।

लुम्बिनी प्रदेश सरकार मुख्यमन्त्री कार्यालयका तर्फबाट प्रेस सल्लाहकार शेरबहादुर केसीले विज्ञप्ति जारी गर्दै यस्तो जानकारी गराएका हुन्।

‘जनप्रतिनिधि र चाडपर्वको खर्चको बारेमा चर्चा हुन थालेको छ। लुम्बिनी प्रदेश सरकारले माननीय मुख्यमन्त्री, मन्त्रीहरु, प्रदेश सभाका सभामुख, प्रदेशसभा सदस्य र स्थानीय तहका जनप्रतिनिधिका लागि चाडपर्व खर्चको प्रवन्ध नगरेको प्रष्ट पार्छौ,’ विज्ञप्तिमा भनिएको छ।

प्रदेश सरकारका सबै कामलाई अझ पारदर्शी र प्रभावकारी बनाउन सबैको रचनात्मक सहयोग आवश्यक रहेको विज्ञप्तिमा भनिएको छ।

 

फेसबुकबाट तपाईको प्रतिक्रिया