जि पि कोइराला फाउण्डेशन अमेरिकाले ३१ औं पटक निशुल्क दुग्धजन्य पदार्थहरू र फ्रोजन चिकेन वितरण गर्यो।

१५ कार्तिक २०७७, शनिबार ०   बिचार / प्रतिक्रिया


गिरिजा प्रसाद कोइराला फाउण्डेशन अमेरिकाले बुधवार, अक्टोवर २८, २०२० का दिन निशुल्क खाधन्न वितरण कार्यक्रम भव्यताका साथ सम्पन्न गरेको छ। निशुल्क खाधन्न वितरण कार्यक्रम न्युयोर्क शहरको क्वीन्स बोरो स्थित विभिन्न संघ-सस्थाहरु मार्फत गर्यो। ३१ औं पटकको निशुल्क खाधन्न वितरण दिउँसो ३ बजे सम्पन्न भयो।

गिरिजा प्रसाद कोइराला फाउण्डेशन अमेरिकाले रिभर फण्ड का मुख्य उत्पादन अधिकारी डा. ओट्टो स्टार्जमेन सँग सहकार्य गरी ५७६ बक्स निशुल्क दुग्धजन्य पदार्थहरू, फ्रोजन चिकेन, तरकारी र फलफुल वितरण गरेको यसै फाउण्डेशनका अध्यक्ष सोमनाथ घिमिरे जानकारी गराउनु भयो।

गिरिजाप्रसाद कोईराला फाउण्डेसन अमेरिकाले न्युयोर्कको क्वीन्समा रहेका संघसंस्थाहरु क्रमश: नेजससअका उपाध्यक्ष अनन्त राज सुवेदि-४८ बक्स, नेजससअ न्युयोर्क पुर्व संयोजक विनोद सुवेदि-१० बक्स, ने.का. गोर्खा जिल्ला पुर्व सभापति बुद्वि श्रेष्ठ-५ बक्स, ने.का.युवा नेता आङवावु शेर्पा-२५ बक्स, नेजससअ न्युयोर्क सचिव अनिल पाण्डे-४८ बक्स, तेन्जीङ डाक्पा ५ बक्स र लाईन मार्फत सार्वजनिक बितरण ४३५ बक्स निशुल्क दुग्धजन्य पदार्थहरू, फ्रोजन चिकेन र फलफुल गिरिजाप्रसाद कोईराला फाउण्डेसन अमेरिकाले वितरण गरेको थियो।

फाउन्डेसनको निःशुल्क खाधन्न वितरण कार्यक्रममा तन, मन र बचन दिएर क्रमशः उपाध्यक्ष सुवर्ण लामा, केन्द्रीय सदस्य एवं समुदाय सम्बन्ध निर्देशक छिरीङ्ग राप्के लामा, केन्द्रीय सदस्य एंव महिला संयोजक सुश्री दावा शेर्पा खटिएका थिए भने स्वयंसेवीहरु ने.का. युवा नेता क्रमश: फुर्वा शेर्पा, सुश्री निमा शेर्पा, लोक दोहरी गायिका संगीता थापा, समाजसेवी द्वय आङ नीमा गेल्जे शेर्पा र टंक खडका, ने.का. नेत्री कमला पन्त-न्युयोर्क लगायत खटिएका थिए । गिरिजा प्रसाद कोइराला फाउण्डेशन अमेरिकाले रिभर फण्ड का मुख्य उत्पादन अधिकारी डा. ओट्टो स्टार्जमेन लाई धन्यवाद एंव आभार प्रकट गर्द छ।

फेसबुकबाट तपाईको प्रतिक्रिया