तातोपानीमा पौडिएका प्रचण्डको प्रतिकृया – राष्ट्रिय र अन्तर्राष्ट्रिय क्षेत्रमा पर्यटन विकासलाई सहयोग पुग्ने

काठमाण्डौ/  नेपाल कम्युनिष्ट पार्टी (नेकपा) का अध्यक्ष तथा पूर्वप्रधानमन्त्री पुष्पकमल दाहाल  ‘प्रचण्ड’ले आफूहरूले म्याग्दीको तातोपानीमा डुबुल्की मारेको फोटो आएपछि राष्ट्रियर अन्तर्राष्ट्रिय क्षेत्रमा पर्यटन विकासलाई सहयोग पुगेको बताएका छन्।

पत्नी सीतालाई ुवाटर थेरापीु गर्न भन्दै गृहमन्त्री रामबहादुर थापासहित तीन दिन अघि उनी सेनाको हेलिकप्टरमा म्याग्दीको तातोपानी पुगेका थिए।

दाहालले उद्योग वाणिज्य संघ म्याग्दीले बुधबार आयोजना गरेको कार्यक्रममा तातोपानीमा डुबुल्की मारेको फोटोले पर्यटन वर्ष २०७५ लाई सहयोग पुर्‍याएको बताए।

पत्नी सीतालाई तातोपानीमा डुबुल्की मार्दा सञ्चो हुने विश्वास भएकोले आएको पनि उनले बताए। ‘तातोपानीले राम्रो गर्छ भन्ने उनलाई विश्वास भयो। तातोपानीमा डुबुल्की मार्दा सञ्चो हुन्छ भनेर कसले भनिदियो। दुई महिनादेखि तातोपानी जाम कि तातोपानी जाम् भनेपछि प्रधानमन्त्रीसँग तीन दिन विदा मागेर गृहमन्त्रीसँग आएँ’, ।