भोलि बिहान ९ बजेदेखि खेल हुने
ग्लोबल मिडिया ग्रुप अन्तर्गत ग्लोबल सञ्चार गृहद्वारा सञ्चालित ग्लोबल आवाजडट कमको आयोजनामा शनिवार हुने प्रथम टेन स्टिल मिडिया कप फुटसल प्रतियोगिता –२०७७’ को टाइसिट सार्वजनिक भएको छ ।फुटसल प्रतियोगितामा सहभागि हुनका लागि २१ वटा मिडियाले नामावली पठाएको मा मापदण्ड नपुगेपछि ५ वटा टीमको नाम दर्ता नगरि फिर्ता पठाइएको संयोजक यमलाल भुसालले बताए । सबै प्रकृया पुगेका १६ टीमले प्रतियोगितामा सहभागिता जनाउनेछन् ।प्रतियोगिता सबै तयारी पुरा भएको उनले जानकारी दिए ।
प्रतियोगिताको उपाधि विजेतालाइ नगद १५ हजार, कप, मेडल, प्रमाणपत्र तथा उपविजेताले नगद १० हजार, कप, मेडल, प्रमाणपत्रबाट पुरस्कृत गरिने छ । यसैगरि विधागत रुपमा समेत उत्कृष्ट खेलाडीलाई नगद सहित पुरस्कृत गरिने उनले बताए । प्रतियोगिता सम्पन्न गर्न करीब ४ लाख खर्च हुने अनुमान गरिएको छ ।प्रतियोगिता कार्यक्रम संयोजक डिबी सुस्लिङले प्रतियोगितामा मिडिया हाउसका पत्रकारहरुको टिमको सहभागिता रहेको बताए । ग्लोबल आवाजका सम्पादक एनबि कंडेलले संचार क्षेत्र सामाजिक उत्तरदायित्वसहित रचनात्मक कार्यक्रम बोकेर अघि बढेको बताए।
