ओपन क्यास प्राइज एण्ड स्कुल लेभल टेबल टेनिस प्रतियोगिताको फाइनल प्रतिष्पर्धा भोलि  

प्रकाशित मिति:

रुपन्देहीको बुटवल टेबल टेनिस एकेडेमीको आयोजनामा बुटवलमा जारी ओपन क्यास प्राइज एण्ड स्कुल लेभल टेबल टेनिस प्रतियोगितामा शुक्रवार ब्वाईज सिंगल र वुमेन्स ओपन प्रतियोगिता सम्पन्न भएका छन् । खेलमा अन्डर १४ ब्वाईज सिंगलमा न्यु होराइजन बुटवलका अरमान श्रेष्ठ र प्रिन्स थापा फाइनलमा प्रवेश गरेका छन् । त्यस्तै, अन्डर १८ ब्वाईज सिंगलमा न्यु होराइजनका प्रवेश बस्नेत र अक्सफोर्ड मावीका जतिन कसौधनले फाइनल प्रतिष्पर्धाको लागि बाटो तय गरेका हुन् ।
त्यस्तै, वुमेन्स ओपनतर्र्फ अमृता थापा, सुकृति श्रेष्ठ, गिता अर्याल र प्रकृति राना सेमिफाइनलमा प्रवेश गरेका छन् । शनिवार खुला पुरुष तर्फको प्रतियोगिता र फाइनल खेल हुने कार्यक्रम संयोजक प्रज्वल श्रेष्ठले बताए । देविनगर स्थित एकेडेमीकै कभर्ड हलमा जारी प्रतियोगितामा १ सय ५० टिमको सहभागिता रहेको थियो । प्रतियोगितामा ओपन तर्फ प्रथम हुनेले नगद १० हजार, द्धितियले ५ हजार तथा तृतियले २५ सय प्राप्त गर्नेछन् । त्यसैगरी वुमेन्स ओपन तर्फ प्रथमले ५ हजार, द्धितियले २५ सय र तृतियले १५ सय प्राप्त गर्नेछन् । यसैगरी अन्डर ब्वाईज सिंगल प्रतियोगितामा प्रथम हुनेले नगद ३ हजार प्राप्त गर्नेछ भने द्धितिय र तृतियले क्रमश नगद २ हजार र १ हजार प्राप्त गर्नेछन् । त्यस्तै अन्डर १८ व्वाईज सिंगमा प्रथम हुनेले ४ हजार, द्धितिय हुनेले २ हजार र तृतिय हुनेले १ हजार प्राप्त गर्नेछन् ।प्रतियोगितालाई डिएचइस र लिनिड.ले मुख्य प्रायोजन गरेका छन् ।