राम भण्डारी / बुटवल – बुटवलमा स्थापित रोट¥याक्टका पूर्व अध्यक्षहरुद्वारा स्थापित रोटरी क्लब अफ लुम्बिनी स्टार्स र रोट¥याक्ट क्लब अफ लुम्बिनी स्टार्सद्वारा देवदह नगरपालिका वडा नं. १० चरङ्गेस्थित सिता माध्यमिक विद्यालयमा गरिब तथा असहाय विद्यार्थी भाईबहिनीहरुका लागि ट्र्याक सुट वितरण कार्यक्रम सम्पन्न गरेको छ ।
कार्यक्रमको अध्यक्षता रोटरी क्लब अफ लुम्बिनी स्टार्सका अध्यक्ष बालकृष्ण पाण्डे र रोट्र्याक्ट क्लब अफ लुम्बिनी स्टार्सका कार्यभाग अध्यक्ष मुक्तिराम भण्डारीको संयुक्त अध्यक्षतामा सम्पन्न भएको थियो ।
उक्त कार्यक्रममा कार्यक्रमका अध्यक्षद्वयले आफूभन्दा कम भाग्यमानी विद्यार्थीहरुलाई सहयोग गर्न पाउँदा आफू लगायत आफ्नो क्लब अत्यन्तै खुसी भएको कुरा व्यक्त गर्नु भएकोे थियो । विगतका दिनहरुमा पनि उक्त स्कुलमा अध्यक्षद्वय बालकृष्ण पाण्डे र मुक्तिराम भण्डारी लगायत उहाँहरुको टिमले विभिन्न कार्यक्रमहरु गर्दै आइरहेको थियो ।
कार्यक्रममा प्रमुख अथिति सिता माध्यमिक विद्यालयका प्राचार्य महेश थैव , विशिष्ट अथितिमा क्लबका संस्थापक अध्यक्ष यादव भण्डारी लगायत अतिथिहरु रहनुभएको थियो । कार्यक्रममा प्रमुख अतिथि थैवले रोटरी र रोट्र्याक्ट क्लब अफ लुम्बिनी स्टार्सलाई आभार ब्यक्त गर्दै क्लबको उत्तउत्तोर प्रगतीको शुभकामना समेत ब्यक्त गर्नुभएको थियो । कार्यक्रमका बिशिस्ट अतिथी भण्डारीले शैक्षिक उन्ययन गर्न पाउँदा हर्सबिभोर रहेको बताउदै रोटरी र रोट्र्याक्टले मानवसेवा गरिराख्ने बताउनुभएको थियो ।
रोट्र्याक्ट क्लब लुम्बिनी स्टार्सका निर्वाचित अध्यक्ष मुक्ति भण्डारीको स्वागत मन्तव्य तथा रोटरी क्लब अफ लुम्बिनी स्टार्सका निर्वाचित अध्यक्ष सुमन बस्यालले धन्यवाद ज्ञापन गर्नुभएको थियो । यसै गरी कार्यक्रम संचालक रोटरी क्लब अफ लुम्बिनी स्टार्सका निर्वाचित सचिव प्रकाश खरेलको संचालकमा सम्पन्न भएको थियो ।
थप समाचार
रायमाझीसहित सात प्रतिवादीलाई थुनामै पठाउन आदेश
