बर्दघाटको चिसापानी अस्पतालबाट पनि कोभिड विरुद्धको खोप लगाउन सुरु

शान्ति तिवारी
बर्दघाट,
फागुन–४
नवलपरासीको बर्दघाटमा रहेको चिसापानी अस्पतालबाट पनि
कोरोना भाईरस कोभिड १९ विरुद्धको दोस्रो चरणको खोप अभियानको खोप लगाउन सुरु गरिएको छ । मंगलबार करिब ११.३०मा बर्दघाट नगरपालिकाका मेयर धिरज शर्मा बस्यालले पहिलो खोप लगाएर सेवा शुरु गरीएको थिय। बस्यालले खोप लगाएसंगै सुस्ता गाउपालिकाका अध्यक्ष राम प्रसाद पाण्डेले दोस्रो खोप लगाउनु भएको थियो ।

नवलपरासीको जिल्ला अस्पताल पृथ्वीचन्द्र अस्पताल परासीवाट मात्र कोभिड १९ विरुद्धको खोप लगाउन खोपकेन्द्र रहेकोमा चिसापनीमा खोप केन्द्र थप गरिएको स्वास्थ्य कार्यालयका निमित्त प्रमुख कृष्ण प्रसाद पोखरेलले बताउनु भएको छ ।पायक पर्ने स्थानमा पुगेर खोप लगाउन सबैलाई सहज होस भन्ने हेतुले मंगलबार देखि चिसापनी अस्पतालमा खोप केन्द्र थप गरिएको स्वास्थ्य कार्यालयका निमित्त प्रमुख पोखरेलले बताउनु भयो।

जिल्लामा हालसम्म १ हजार १ सय ८९ जनालाई कोरोना विरुद्धको खोप लगाईएको पोखरेलले जानकारी दिनुभयो । दोस्रो चरणमा जिल्लाका सरकारी कार्यालयका कर्मचारी, स्थानिय तहका कर्मचारी, जनप्रतिनिधि, पत्रकार सहित ३ हजार ३४ जनालाई खोप लगाउने लक्ष्य राखिएको पोखरेलले बताउनुभयो ।