वरिष्ट उपाध्यक्ष कसजुलाई अध्यक्ष बनाउन १० पुर्व अध्यक्षहरुको समर्थन

प्रकाशित मिति:

बुटवल उद्योग वाणीज्य संघको अध्यक्षको लागि उम्मेदवार दिएका उज्वल कसजुलाई १० जना पुर्व अध्यक्षले समर्थन जनाएका छन् । मंगलवार पत्रकार सम्मेलन गर्दै उज्वल कसजुलाई अध्यक्ष गराउनको लागि सबिया जना एकमत भएको जनाएका छन् । उज्वल कसजुलाई समर्थन गर्नेमा बर्तमान अध्यक्ष खिम बहादुर हमाल , महेशमान शिंह , सुरेन्द्र श्रेष्ठ , नवराज श्रेष्ठ , महेशराज भण्डारी , हिरा प्रसाद श्रेष्ठ , जीवन प्रसाद ओझा , अर्जुनमान सैंजु , कुश प्रसाद मल्लि र निर्मल प्रसाद लाकौल लगायतको रहेको छ । पत्रकार सम्मेलनमा कसजुले कोभिडमैत्री अर्थतन्त्रलाई जोड दिने, मोतिपुर औद्योगिक करिडोर प्रर्वद्धनको लागि लगानी सम्मेलन गर्ने प्रतिबद्धता व्यक्त गरे।

त्यस्तै सचिवालय व्यवस्थापन गरि प्रविधिमैत्री गराउने, भन्सार प्रणालिलाई व्यवसायिकमैत्री बनाउने, बजार क्षेत्रमा पार्कङ व्यवस्थापनको लागि ए ए मोडलको विस्तार गर्ने लगायतका एजेण्डा अघि सारेका छन् । कसजुले आफू २१ वर्षदेखी संघमा आबद्ध भएको ३ कार्यकाल कार्यसमिति सदस्य, एक एक कार्यकाल कोषाध्यक्ष, बाणिज्य उपाध्यक्ष र बरिष्ठ उपाध्यक्ष रहेको भन्दै अब संघको नेतृत्व गरेर केही गर्न चाहेको बताए।