लुम्विनी फोटोग्राफर संघ क्षेत्रगत समितिको संयोजकमा रामचन्द्र बेल्वासे

कपिलबस्तु, २२ फागुन। लुम्विनी फोटोग्राफर संघको आयोजना तथा क्षेत्रगत समिति कपिलवस्तुको संयोजनमा शनिवार एक दिने आधारभूत फोटोग्राफी तालिम तथा क्षेत्रगत समिति पिस हिमालय रिसोर्ट ठाकुरापुरमा चयन भएकोे छ । कार्यक्रमको समुद्घाटन प्रमुख अतिथि र विशिष्ट अतिथिवाट फरक शैलीमा तालिममा सहभागी प्रशिक्षार्थीहरुको सामूहिक फोटो खिचेर कार्यक्रमको उद्घाटन गर्नुभएको थियो । कार्यक्रमको समुद्घाटन गर्दै प्रमूख अतिथि लुम्बिनी फोटोग्राफर संघका अध्यक्ष मनिराम पन्थ (मनिष) ले लुम्बिनी फोटोग्राफर संघ सदैव क्षेत्रगत समिति तथा यहाँका फोटोग्राफी व्यवसायिको हक हितका लागि आवश्यक पहल गर्ने बताउनुभयो । उहाँले तालिमबाट सहभागी व्यवसायिहरुको व्यवसायिक जिवनमा सहज हुने र व्यवासयीक फोटोग्राफर हुन सहयोग मिल्ने बताउँनुभयो ।

त्यस्तै कपिलवस्तु उद्योग वाणिज्य संघका वरिष्ठ उपाध्यक्ष छवि रेश्मी मगरले कपिलवस्तु उद्योग वाणिज्य संघ लुम्बिनी फोटोग्राफर कपिलवस्तुका सम्पूर्ण फोटो व्यावसायीहरुको समस्या समाधान र उनिहरुको व्यवसायिक स्तर उन्नतीका लागि हरदम तत्पर रहेको बताउनुभयो । उहाँले फोटोग्राफर संघको विकासको लागि उद्योग संघले सक्दो भुमिका खेल्ने बताउँनुभयो ।
त्यस्तै कार्यक्रममा पत्रकार चन्द्रकान्ता न्यौपानेले व्यवसायिक फोटोग्राफरहरुलाई उत्प्रेरणा मूलक रुपमा अवको पत्रकारितामा पनि फोटोग्राफरहरुको महत्वपूर्ण भूमिका रहेको र त्यसै अनुरुप तयार हुदै जानु पर्ने धारणा राख्नुभयो । ४ दर्जनबढी फोटोग्राफर सहभागी उक्त कार्यक्रममा लुम्बिनी फोटोग्राफर संघ का सदस्य दिपक श्रेष्ठले सरल र सवैले बुझ्ने गरी स्पष्टरुपमा व्यवसायिक फोटोग्राफी सम्वन्धि तालिममा प्रशिक्षर्थीहरुलाई फोटोग्राफीमा प्रविधिक ज्ञानहरु लिने आवसर मिलेको बताउँनुभयो ।
लुम्विनी फोटोग्राफर संघ क्षेत्रगत समितिको संयोजकमा रामचन्द्र बेल्वासे 

त्यस्तै लुम्विनी फोटोग्राफर संघ क्षेत्रगत समिति कपिलवस्तुको संयोजनमा रामचन्द्र वेल्वासे हुनुभएको छ । जसको सचिवमा कर्ण बहादुर तिवारी (कुमार), कोषाध्यक्षमा प्रकाश चौधरी चयन हुनभएको छ । भने  सदस्यहरुमा लेखनाथ पौडेल, रिता अधिकारी, प्रेम बहादुर राना र कृष्ण खनाल चयन हुनुभएको नव निर्वाचित लुुम्बिनी फोटोग्राफर संघ क्षेत्रगत समितिका सदस्य प्रेम बहादुर रानाले जानकरी दिनुभयो ।   उक्त कार्यक्रम समितिका अध्यक्ष रामचन्द्र बेल्बासेको अध्यक्षता, सचिव कर्ण बहादुर तिवारीको संचालन रहेको कार्यक्रममा लेखनाथ पौडेलको स्वगत रहेको थियो ।