कपिलबस्तुमा पवित्र कुश खेती र यसको वहु उपयोगीता सम्वन्धी तालिम 

कपिलबस्तु , २३ फागुन । प्रकृति अत्यन्त उपयोगी उपहारका रुपमा रहेको पवित्र कुश नामक वनस्पतिको खेती र यसको वहुउपयोगीता सम्वन्धी एक दिवसिय तलिम शनिबार वाणगंगा नगरपालकाको वडा नं १० मा सम्पन्न भएको छ । कुश खेतीको औषधीय गुण, धार्मिक एवं वैज्ञानिक रुपले पुष्टि भएका विषयहरुलाई समेत जानकारी गराउने तथा यसवाट तयार हुने उपयोग सामाग्रीको विकास तथा प्रवद्र्धन गर्ने उद्देश्यले तालिम कार्यक्रमको आयोजना गरिएको हो ।

प्रकृतिमा कुनै लगानी विना नै तयार हुने पवित्र कुश सनातन धर्ममान्नेहरका लागि त पवित्र नै छ तर यसको औषधीय र वैज्ञानिक तत्वका आधारमा हर कसैका लागि उपयोगीहुन सक्ने विषयमा मोतिपुर आर्युवेद औषधी केन्द्रका प्रमुख तेज वाहादुर  सौमैले प्रस्तुतिकरण गर्नुभएको थियो ।  पवित्र कुश नामक बनस्पतिको खेती तथा बहुउपयोगीता सम्बन्धी तलिममा ५० जना ग्रामिण सिमान्तकृत समुदायका प्रतिनिधिहरुको सहभागीता रहेको थियो ।  बहुउपयोगी कुश नामक वनस्पतिवाट औषधीय उपचारका साथै यसवाट वन्ने गुन्द्रो, चटाई, कुशन, व्याग, टोकरी लगायतका सामाग्री वनाउन सकिने र यसको प्रयोगले विकिरण जन्य किरणहरुलाई निस्तेज पार्ने सकिन्छ । पानीमा कुशको टुक्राहरु राख्दा अक्सिजनको मात्र वड्ने । ढोकामा राख्दा खराव तथा नकाराम्तक उर्जालाई हठाउन सहयोग गर्ने । ध्यान, साधना गर्दा कुशवाट वनेका गुन्द्री एवं कुसनहरुको आसन गर्दा वढि लाभदायक हुने लगायत पेटको विमारीमा, क्यासन्सर जन्य रोगमा समेत यसको जराको औषधिय प्रयोग हुने जानकारी दिईएको थियो । कुशजन्य वनस्पतिवाट निर्माण हुने विभिन्न वस्तुहरु के के हुन सक्छन् र तिनके विकास, प्रवद्र्धन र वजारीकरण कसरी गर्न सकिन्छ भन्ने विषय समेत तालिम कार्यक्रमा जानकारी दिईएको थियो । स्थानिय श्रोत स्थानिय रुपमा रहेको र स्थानिय समुदायका सदस्यहरुको आय आर्जनमा वृद्धि गर्न सकिने संभावनाकावारेमा र सहभागिहरुले उत्पादन गर्न सकेमा वजारीकरणमा पूर्ण सहयोग हुने जिल्ला समन्वय समितिका प्रमुख नारायण खानालले वताउनु भयो । त्यसैगरी वाणगंगा नगरपालिकाका उप प्रमुख चक्र अर्याले यो नविन प्रयोग भएकोले आफूहरु  समेत उत्साहित भएको र यस तालिमलाई निकै गंभिरता पूर्वक लिएको तथा आगामी दिन थप सहयोग गर्न समेत प्रतिवद्ध रहेको वताउनु भएको थियो ।