काठमाडौं, वैशाख २१ स् न्याय परिषदका सदस्य एवं वरिष्ठ अधिवक्ता लक्ष्मीबहादुर ‘निराला’ खड्काको मंगलबार ७७ वर्षको उमेरमा निधन भएको छ। कोरोना संक्रमणका कारण निरालाको निधन भएको हो । सिराहा लडकबाहमा जन्मेका निरालाले जनकपुरलाई कर्मथलो बनाएर उनले लामो समय वकालत गरेका थिए । पैंतालीस वर्ष कानुन व्यवसायमा बिताएका थिए । उनले अग्रज वरिष्ठ अधिवक्ता कृष्णप्रसाद भण्डारी र कुसुम श्रेष्ठसँगै नेपाल ल फर्मबाट वकालत सुरु गरेका थिए ।
उनी तत्कालीन राजा ज्ञानेन्द्रले शासन हातमा लिएपछि महान्यायाधिवक्ता बनेका थिए। परिषद् सदस्य पदमा बहाल रहेकै अवस्थामा निरालाको निधन भएको हो । उनी प्रधानमन्त्री केपी शर्मा वलीबाट गत वर्ष परिषद सदस्यमा नियुक्त भएका हुन् । उनी स्वच्छ र निर्भीक छविका रुपमा न्याय क्षेत्रमा चिनिन्छन् ।
निरालाको आजै पशुपति आर्यघाटमा दाहासस्कार गरिँदै छ । उनको निधनप्रति पूर्वप्रधानन्यायाधीश कल्याण श्रेष्ठले सामाजिक संजालमार्फत गहिरो दुःख व्यक्त गर्दै निराला थोरैमध्येका न्याय एवम् कानुनका मर्मज्ञ, असल साधक रहेको बताएका छ्न्।
थप समाचार
पाथीभरा क्षेत्रमा मदिरा बिक्री तथा सेवनमा प्रतिबन्ध
