प्रचण्डको सचिवालयको स्पष्टोक्ती : प्रचण्ड माथि कुनै द्रुव्यवहार भएको छैन

६ मंसिर २०७५, बिहीबार ०   बिचार / प्रतिक्रिया
6 Shares


काठमाण्डौ मंसिर ७ / नेपाल कम्युनिस्ट पार्टी ९नेकपा०का अध्यक्ष पुष्पकमल दाहाल ‘प्रचण्ड’माथि चितवनमा कुनै किसिमको अभद्र व्यवहार नभएको उनको सचिवालयले जनाएको छ। केही संचार माध्यमहरुले उनी माथि द्रुव्यवहार भएको खबर बाहिर ल्याएका थिए ।

प्रचण्डका प्रेस संयोजक विष्णु सापकोटाले बुधबार र बिहीबार प्रचण्डको चितवनमा विभिन्न कार्यक्रम भएको भए पनि कुनै किसिमको अभद्र व्यवहार र अप्रिय घटना नभएको बताए।

बिहीबार बिहान भरतपुर महानगरपालिका–२३ कृष्णचोकमा पार्टी प्रवेशका क्रममा एक जना व्यक्ति मदिरा सेवन गरी कार्यक्रमस्थल बाहिर सामान्य हल्ला गरेको र उक्त व्यक्तिलाई सुरक्षाकर्मीले सम्झाई बुझाई पठाएको उनले बताए।

यही सामान्य विषयलाई अतिरञ्जित गरी केही सञ्चारमाध्यमले समाचारसमेत प्रकाशित गरेकामा सचिवालयको गम्भीर ध्यानाकर्षण भएको उनले बताए।

जनयुद्ध र योद्धाको समेत अपमान हुने गरी कपोलकल्पित र भ्रमित तवरले प्रकाशित समाचारप्रति विश्वास नगर्न सबैमा आग्रह गरिएको छ। जिल्ला प्रहरी कार्यालय चितवनले पनि प्रचण्डको दुईदिने चितवन बसाईका क्रममा कुनै किसिमको अभद्र व्यवहार नभएको स्पष्ट पारेको छ।

फेसबुकबाट तपाईको प्रतिक्रिया