पत्रकार सम्मेलनमा उपहार, नगद नलिन–नदिन आह्वान

११ मंसिर २०७५, मंगलवार ०   बिचार / प्रतिक्रिया
17 Shares


बनियानी, ११ मङ्सिर – नेपाल पत्रकार महासङ्घ, झापा शाखाले पत्रकार सम्मेलन वा समाचार सम्प्रेषणका नाममा प्रदान गरिने कुनै उपहार, नगद वा अन्य खर्च नलिन झापाली पत्रकारलाई आह्वान गरेको छ । महासङ्घ झापा शाखाको सोमबार

बिर्तामोडस्थित कार्यालयमा बसेको बैठकले पत्रकार सम्मेलनमा दिइने खर्च असान्दर्भिक भएको र यसले विकृत रूप लिएकाले त्यस्तो खर्च नलिन पत्रकारलाई आह्वान गरेको हो । बैठकपछि अध्यक्ष तारामणि सापकोटा र सचिव सन्तोष आचार्यले जारी गरेको विज्ञप्तिमा पत्रकार सम्मेलनमा दिइने खर्चले समाचार नै नहुने विषय समाचार बन्ने र वास्तविक समाचार, समाचार नबन्ने अवस्था विकास हुँदै गएको उल्लेख छ ।

महासङ्घ झापाले पत्रकारिता स्वच्छ, मर्यादित, स्वतन्त्र र व्यावसायिक बनाउने जिम्मेवारी नागरिक समाज, सङ्घ, संस्था, सरकारी निकाय सबैको साझा भएकाले पत्रकार सम्मेलन आयोजना गर्दा वा समाचार प्रसारणका लागि कुनै उपहार, खर्च वा भत्ता वितरण नगर्न आह्वान गरेको हो ।

विज्ञप्तिमा प्रेस काउन्सिल नेपालले जारी गरेको पत्रकार आचारसंहिता, २०७३ र नेपाल पत्रकार महासङ्घ झापाको निर्णयलाई दृढतापूर्वक कार्यान्वयन गर्न गराउन पत्रकार महासङ्घका सदस्यलाई आह्वान गर्दै सहयोगका लागि नागरिक समाजलाई अनुरोध गरिएको छ ।

पाँच पत्रकारलाई आर्थिक सहयोग
सोही बैठकले झापाका पाँच पत्रकारलाई उपचार सहयोग रकम प्रदान गर्ने निर्णय गरेको छ । पत्रकार सहारा उपचार कोष सञ्चालक समितिको पहिलो बैठकबाट निर्णय भई सिफारिश भएका मिर्गौला रोगबाट पीडित पत्रकार अमृतलाल श्रेष्ठ र माया पकुवाल, क्यान्सर रोगबाट पीडित पत्रकार शुभद्रा खड्का अधिकारी, दुर्घटनाबाट घाइते धर्मेन्द्र भट्टराईलाई जनही रु २० हजार र पत्थरी रोगको उपचारका लागि वेदप्रकाश हुमागाईंलाई रु सात हजार प्रदान गर्ने निर्णय भएको हो ।
पत्रकार महासङ्घ झापा शाखाले कोष स्थापनापछि पत्रकारलाई पहिलोपटक संस्थागत सहयोग प्रदान गरेको हो ।

रासस

फेसबुकबाट तपाईको प्रतिक्रिया



ताजा समाचार

  • भारतीय मिडियाको उच्छृंखल सामाग्रीविरुद्ध नेपालले पठायो ‘प्रोटेस्ट नोट’
  • कार्यकर्तालाई प्रचण्डको आग्रहः कसैलाई राष्ट्रघाती र कसैलाई राष्ट्रवादी भन्दै नारा…
  • रुसमा कोरोना खोपको क्लिनिकल परीक्षण सफल
  • जनचासो, गुनासा र प्रभावकारी योजनाको लागि शुद्दोधनको सामाजिक परीक्षण
  • युग परिवर्तनका सम्वाहक युवा नै हुन् : कांग्रेस युवा नेता…
  • ग्रीका एयर कन्डिसन गुणस्तरीय भएकाले ग्राहकको पहिलो रोजाइमा
  • नेविसंघद्वारा आयल निगम घेराउ
  • रुपन्देहीमा लुम्बिनी मेट्रोसिटीले शुरु गर्यो सार्वजनिक यातायात सेवा
  • राजपुरमा जलीय जैविक विविधता संरक्षण समुह गठन
  • असफल खानेपानी आयोजना जिम्मा लिन नेकपाको ब्ल्याकमेलिङ