गुगल फोटोमा नयाँ फिचर, गोप्य फोटो लुकाउन मिल्ने

काठमाडौं । कहिलेकाहिँ अरुलाई आफ्नो फोनमा भएको एउटा फोटो देखाउँदा उनीहरुले दायाँ र बायाँ स्वाइप गरेर अन्य तस्वीररहरु पनि हेरिदिन्छन् । कुनै बेला यस्तो अवस्था पनि आउन सक्छ, आफूले गोप्य राख्नुपर्ने तस्वीर जानेर वा नजानेर अरुले देख्न सक्छन् ।

झन् कसैको फोन साथीभाई वा परिवारका सदस्यले बेला बेला प्रयोग गर्छन् भने त यस्तो समस्या बढी नै हुन्छ । यस्तो समस्याको समाधानको लागि गुगलले आफ्नो फोटो स्टोरेज एप गुगल फोटोमा नयाँ फिचरको घोषणा गरेको छ ।गुगल फोटोजले अब फोल्डर लक गर्ने सुविधा दिने भएको छ । यस्तो सुविधाले प्रयोगकर्तालाई अरुलाई संवेदनशील फोटोहरु पासवर्ड लक गरेर राख्ने विकल्प दिनेछ । गुगलले आफ्नो वार्षिक डेभलपर कन्फ्रेन्सको अवसर पारेर बुधबार यो सुविधाको घोषणा गरेको हो ।

लक्ड फोल्डर राखिएको यो सुविधाले प्रयोगकर्तालाई गुगल फोटोमा संवेदनशील र गोप्य तस्वीरहरु लुकाएर राख्ने सुविधा दिनेछ । लक गरिएको फोटोहरु गुगल फोटोजको फिडमा नदेखिने गुगलले जनाएको छ ।

With Locked Folder in @googlephotos, you can add photos to a passcode protected space and they won’t show up as you scroll through Photos or other apps on your phone. Locked Folder is launching first on Google Pixel, and more Android devices throughout the year. #GoogleIO pic.twitter.com/yGNoQ8vLdq

— Google (@Google) May 18, 2021