काठमाडौँ– लगातारको वर्षाका कारण मुलुकका विभिन्न ठाउँमा गएको बाढी र पहिरोमा परी ६ जनाको मृत्यु भएको छ ।गृह मन्त्रालय अन्तर्गतको राष्ट्रिय आपतकालीन कार्यसञ्चालन केन्द्रले बाढी र पहिरोमा परी सिन्धुपाल्चोकमा दुई जना, कास्की, पाल्पा, बाजुरा र डोटीमा १/१ जना गरी जम्मा ६ जनाको मृत्यु भएको हो ।
यसैगरी २७ जना बेपत्ता र ११ जना घाइते भएको मन्त्रालयले जनाएको छ । मन्त्रालयका अनुसार सिन्धुपाल्चोक, गोरखा, मनाङ, प्युठान, पाल्पा, स्याङ्जा, लमजुङ, अर्घाखाँची, कास्की, जुम्ला, जाजरकोट, डोटी र बाजुरामा बाढी(पहिरोका घटना भएका हुन् ।मंगलबार मेलम्ची खोलामा आएको बाढीबाट बेपत्ता भएकामध्ये दुई जनाको शव फेला परेको र १६ जना अझै बेपत्ता रहेका छन् ।मेलम्चीको बाढीमा हालसम्म १६ घर, दुई वटा मोटरपुल र ६ वटा झोलुंगे पुल पूर्ण रूपमा क्षतिग्रस्त छन् । बाढीले बाजुरामा एकजनाको ज्यान गएको छ भने अर्का एकजना अझै बेपत्ता छन् ।त्यहाँ दुई वटा घर पूर्ण रूपमा क्षतिग्रस्त बनेका छन् । गोरखामा बाढीमा बगेर एकजना बेपत्ता भएका छन् भने चार घर बगाएको छ ।
मनाङमा बाढीले ५३ घर बगाएको छ भने २६ वटा घरमा क्षति पुगेको गृह मन्त्रालयले जनाएको छ । त्यस्तै पाल्पामा अविरल वर्षासँगैको पहिरोको कारण एकजनाको ज्यान गएको र स्याङ्जामा एकजना घाइते भएको तथ्यांक छ ।लमजुङमा बाढीले १० वटा घर बगाएको छ भने ३९ वटा घरमा क्षति पुर्याएको छ । डोटीमा पहिरोमा परी एकजनाको ज्यान गएको छ ।जाजरकोटमा अविरल वर्षापछि बाढीमा परी सात जना बेपत्ता भएका छन् । अर्घाखाँचीमा बाढीले बगाउँदा एकजना बेपत्ता भएका छन् भने १२ घर पनि बगाएको छ ।
यस्तो छ मन्त्रालयद्वारा जारी विज्ञप्ति
थप समाचार
