सुरेश परियार,असार ४ गते- महामारीको बेला रगतको अभाव हुन नदिन नेपाल नियमित रक्तदाता संघ रुपन्देहीले रगत संकलनलाई तिव्रता दिए संगै संगठन विस्तारलाई पनि तिव्रता दिएको छ । नेपाल रक्तदाता संघ रुपन्देहीले सैनामैनामा शाखा विस्तार गरेको छ । आज(शुक्रबार)भएको नेपाल नियमित रक्तदाता संघ रुपन्देहीको एक भेलाले शंकर ज्ञवालीको अध्यक्षमा ११ सदस्यीय सैनामैना नगर कार्यसमिति विस्तार गरेको संघका जिल्ला उपाध्यक्ष लेखनाथ भण्डारी जानकारी दिए ।
नवगठित सैनामैना नगरसमितिको उपाध्यक्षमा दामोदर खत्री,सचिबमा पवन पोख्रेल,कोषाध्यक्षमा दिपक गैरे,सह–सचिबमा जितु बोहोरा,सह–कोषाध्यक्षमा राजन भट्टराई र सदस्यहरुमा कृष्ण गौतम,केशवराज कंडेल,भोजराज भण्डारी,सुमित सापकोटा र मिलन पौडेल रहनुभएको छ ।सैनामैना ४,मुर्गिया स्थित सुनगाभा पब्लिक माध्यमिक विद्यालयको सभाहलमा भएको भेला नेपाल नियमित रक्तदाता संघ रुपन्देहीका अध्यक्ष दया सिलवालको अध्यक्षतामा भएको भेलामा नेपाल रेडक्रस सोसाइटी लुम्बिनी प्रदेशका महामन्त्री लाल प्रसाद पंगेनी,सुनगाभा पब्लिक स्कुलका प्रचार्य तिलब के.सी,समाजसेवी रिम बहादुर श्रेष्ठ,हरि पोख्रेल लगायतको आतिथ्यता रहेको थियो ।कार्यक्रम संघका महेश खनालले कार्यक्रमको सञ्चालन गर्नुभएको थियो भने नव अध्यक्ष शंकर ज्ञवालीले प्रतिबद्धता ब्यक्त गरेका थिए ।नव गठित नेपाल रक्तदाता संघ सैनामैनाले केही दिनमा बृहत रक्तदान गर्दै छ ।
थप समाचार
उपभोक्ता सचेतना अभियान बर्दघाट हाटबजारमा
