आन्तरिक हवाई उडान खुलाउने निर्णय, ११ देशका लागि हप्तामा २७ उडान हुने

प्रकाशित मिति:

काठमाडौं । सरकारले आन्तरिक हवाई उाडन खुला गर्ने भएको छ। सोमबार बसेको मन्त्रिपरिषद् बैठकले ५० प्रतिशत क्षमतामा आन्तरिक उडान खुला गर्ने निर्णय गरेको छ। कोरोना संक्रमणदर कम हुँदै गएपछि सरकार ५० प्रतिशत यात्रु राखेर आन्तरिक उडान खुला गर्न दिने निर्णयमा पुगेको हो।

५० प्रतिशत भन्दा बढी क्षमतामा नबढ्ने गरि आन्तरिक उडान सञ्चालनमा ल्याउने निर्णय गरेपनि कहिलेबाट भन्ने मिति तोक्ने जिम्मा संस्कृति, पर्यटन तथा नागरिक उड्डयन मन्त्रालयलाई दिइएको छ।आन्तरिक उडान वैशाख २० गतेबाट बन्द गरेको थियो। यस्तै, सरकारले ११ देशमा सातामा २७ अन्तराष्ट्रिय उडान खुला गर्ने भएको छ।

कतारको दोहा, युएईको दुबई र मलेसियामा साताको ४र४ तथा टर्की, साउदी अरेबिया, कुवेत, चीन र भारतमा २र२ उडान तथा ओमान, दक्षिण कोरिया, जापानमा १र१ उडान हुने छ।सार्वजनिक तालिका अनुसार कतारको दोहामा नेपाली वायुसेवाले सातामा २ उडान र कतारको वायुसेवाको २ गरी सातामा ४ उडान गर्ने छ।