हिरासतबाट निस्केपछि सपनाले भनिन्, पुरुष प्रहरीले हातपात गरे

प्रकाशित मिति:

काठमाडौं । सार्वजनिक जग्गा कब्जा गरेको आरोपमा पक्राउ परेका हाम्रो टिम नेपालका अभियन्ताहरु रिहा भएका छन् । हिरासतमुक्त भएपछि उनीहरुले निशुल्क खाना खुवाउने अभियान जारी रहने बताए ।

अभियन्ता विमल पन्तले प्रहरीले धरपकड गर्दा अमानवीय व्यवहार गरेको आरोप लगाए ।उनले भने, ‘हामीले असहायको सेवा गर्दै गर्दा महानगरपालिकाले हामीमाथि धावा बोलेको छ । अब चुनावमा भोट दिँदा मानवीयता भएको व्यक्तिलाई भोट दिएर मेयर बनाउन काठमाडौंवासीलाई आग्रह गर्दछु ।’ प्रहरीको कारवाहीबाट हाम्रो टिमलाई लाखौंको क्षति भएको उनले बताए ।

‘हामीसँग लत्ताकपडा, त्रिपाल, खाद्यान्न लगायत १० लाखको सामना थियो । त्यो सबै क्षति भएको छ । तर हाम्रो अभियान रोकिँदैन,’ पन्तले भने ।हाम्रो टिमकी अर्की अभियन्ता सपना रोकामगरले आफूमाथि प्रहरीले दुर्व्यवहार गरेको आरोप लगाइन् ।उनले भनिन्, ‘महिला प्रहरी हुँदा हुँदै पुरुष प्रहरीले मलाई हातपात गरे । मेरो छातिमा हात राखे । म एकपटक सास फेर्न नसकेर फेन्ट पनि भएँ ।’