झन्डै आठ सय लिटर घरेलु रक्सी नष्ट

प्रकाशित मिति:

अर्घाखाँची – अर्घाखाँचीमा प्रहरीले झन्डै आठ सय लिटर अवैध घरेलु रक्सी नष्ट गरेको छ । सन्धिखर्क नगरपालिका १ का विभिन्न ठाउँमा लुकाइ छिपाइ रक्सी बनाउने ठाउँमा गइ छापा मार्दा बरामद गरिएको अवैध घरेलु रक्सी प्रहरीले नष्ट गरेको हो ।

घरेलु रक्सीका कारण समाजमा झै–झगडा तथा हिंसात्मक गतिविधि बढ्न थालेपछि प्रहरीले ती रक्सी बनाउने ठाउँको खोजी गर्दा झन्डै आठ सय लिटर रक्सी भेटिएको र नष्ट गरिएको जिल्ला प्रहरी कार्यालयका प्रहरी नायब उपरीक्षक (डीएसपी) अम्मरबहादुर थापाले बताउनुभयो ।

बरामद गरिएको रक्सी फोहर र खानयोग्य समेत नभएको प्रहरीको भनाइ छ । घरेलु रक्सीमा अखाद्य पदार्थ मिसाउने तथा खाँदा स्वास्थ्यमा गम्भीर असर पर्ने भएकाले सरकारले त्यस्ता रक्सी उत्पादनलाई अवैधानिक मानेको छ ।