दीपकराज लेख्छन्– कठै ! ४ वर्ष लगाएर कस्तो संविधान बनाएछन्

काठमाडौं–अभिनेता तथा निर्माता दीपकराज गिरीको सामाजिक सञ्जाल सक्रियता अन्य अभिनेता तथा अभिनेत्रीको भन्दा कम छैन् । उनी राजनीतिक, सामाजिक, खेलकुदलगायत सबै क्षेत्रप्रति सटिक प्रतिक्रिया दिन्छन् ।

यही क्रममा उनले सोमबार एक स्टाटस लेखे । यो स्टाटस सर्वोच्च अदालतले प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गरेको संसद विघटनलाई असंवैधानिक ठहर गरेको प्रति लक्षित थियो ।अदालतले आदेशमा नेपाली कांग्रेसका सभापति शेरबहादुर देउवालाई प्रधानमन्त्री नियुक्त गर्नसमेत परमादेश दिएको छ ।

यही प्रसंगमा दीपकराजले फेसबुकमा एक स्टाटस लेखे ।‘राष्ट्रपतिय प्रधानमन्त्रीद्वारा अदालतीय प्रधानमन्त्रीलाई सत्ता हस्तान्तरण गर्ने संभावना । त्यसपछि फेरि कुरो उही । कठै १ ४ बर्ष लगाएर कस्तो संविधान बनाएछन्’,’ उनले लेखेका छन् ।उनको लेखाईबाट पनि संविधान र वर्तमान राजनीतिकप्रति दीपक सन्तुष्ट छैनन् भन्ने प्रष्ट पारेको छ ।