कांग्रेस महाधिवेशन : तनहुँ क्षेत्र न१ को सभापतिको लागि आधा दर्जन भन्दा बढी नेता आकांक्षी

प्रकाश अधिकारी, तनहु । नेपाली कांग्रेसको १४ औँ महाधिवेशन नजिकिँदै गर्दा तनहुँ कांग्रेसमा वडा तहदेखि गाउँ,नगर,प्रदेश,क्षेत्र र जिल्लाको नेतृत्व लिनका लागि आआफ्नै हिसाबले भेटघाट बढाएका छन्।महाधिवेशन अझै हुनेनहुने निश्चित नभए पनि तनहुँ क्षेत्र न।१ को क्षेत्रीय सभापतिको लागि आधा दर्जनभन्दा बढी नेताहरू तिव्र रूपमा लबिङ देखि कार्यकर्ता भेटघाट बढाएका छन्।

सभापतिको लागि तिव्र रूपले लागेका महासमिति सदस्य आनन्दराज त्रिपाठी, महाधिवेशन प्रतिनिधि श्यामकुमार मौरती,जिल्ला सदस्य ताराप्रसाद श्रेष्ठ, व्यास नगर सभापति शान्तिरमण वाग्ले, जिल्ला सदस्य अशोककुमार श्रेष्ठ र पूर्व जिल्ला सहसचिव सहदेव अधिकारी रहेका छन्। अन्य नेताहरू आकांक्षी भएपछि बाहिर बोलेका छैनन्।