७० बर्ष पुगेका पार्टीको कार्यकारी पदमा नबसौं : गगन

१८ मंसिर २०७५, मंगलवार ०   बिचार / प्रतिक्रिया


मंसिर १८, काठमाण्डौ

नेपाली कांग्रेसका केन्द्रीय सदस्य गगन थापाले ७० वर्ष उमेर पुगेकाले पार्टीको कार्यकारी पदमा बस्न नपाउने प्रावधान विधान राख्न प्रस्ताव गरेका छन् । थापाले केन्द्रीय कार्यसमिति बैठकमा विधान मस्यौदामाथि छलफलमा भाग लिँदै ७० वर्ष पुगेकाले कार्यकारी पदमा बस्न नपाउने प्रावधान राख्नुपर्ने बताएका हुन् ।

महामन्त्री पूर्णबहादुर खड्को संयोजकत्वमा गठित विधान मस्यौदा समितिले पेश गरेको प्रतिवेदनमाथि मंसिर ९ गतेदेखि केन्द्रीय समितिमा छलफल भइरहेको छ । मंगलबारसम्म ४५ जनाले धारणा राखेको कांग्रेसले जनाएको छ ।

मस्यौदामाथि धारणा राख्ने अधिकांश केन्द्रीय सदस्यले पदाधिकारी र केन्द्रीय सदस्य बढाउन सुझाव दिएका छन् । मंगलबार बोलेका गगन थापा, धनराज गुरुङ, गुरुराज घिमिरे, चीनकाजी श्रेष्ठलगायतले पदाधिकारीको संख्या बढाउनु पर्ने धारणा राखेका छन् । गुरुङले पदाधिकारीको संख्या बढाउनका साथै सबै महाधिवेशनबाट निर्वाचित हुने व्यवस्था गर्र्नुपर्ने प्रस्ताव राखेको जानकारी दिए ।

थापा र गुरुङले आर्थिक पारदर्शितालाई पार्टीले संस्थागत ढंगले नै अघि बढाउनु पर्ने र त्यसका लागि विधानमै जुनसुकै तहका पदाधिकारीले सम्पत्ति विवरण सार्वजनिक गर्नुपर्ने प्रावधान राख्न माग गरेका छन् ।

त्यस्तै एउटै पदमा धेरै सदस्य निर्वाचित हुने पदहरुका एक संक्रमणीय निर्वाचन प्रणाली अपनाउनु पर्ने मत पनि केन्द्रीय सदस्यहरुले उठाएका छन् । पार्टीमा एउटै खालको सदस्यता कायम गर्न र अनलाइनबाटै पार्टीको सदस्यताको व्यवस्था गर्नुपर्ने केन्द्रीय सदस्यहरुको धारणा थियो ।  विधान मस्यौदा समितिका सदस्यसमेत रहेका आनन्दप्रसाद ढुंगानाले संविधान र संघीयता कार्यान्वयनलाई बल पुग्ने गरी विधान संशोधन हुनुपर्ने बताए । मंगलबार एनपी साउद, गोविन्द भट्टराई, लक्ष्मी परियार, नरेन्द्रकुमार चौधरी र रमा कोइराला पौडेलले पनि धारणा राखेका थिए ।

फेसबुकबाट तपाईको प्रतिक्रिया



ताजा समाचार

  • वसन्त चौधरीलाई कोरोना
  • मनाङमा अमेरीकावाट विभिन्न व्यक्तीहरु द्धारा सहयोग
  • बुटवलको कोरोना अस्पतालमा बिहानै २ जनाको मृत्यु
  • नवीन औद्योगिक कदर बहादुर रीता मा.वि. द्वारा मंगलबार नव आगन्तुक…
  • त्रिभुवन विश्वविद्यालय अन्तर्गत वी.ए. पहिलो वर्ष, अँग्रेजी विषयको परिवर्तित पाठ्यक्रमको…
  • आज थप ३०९३ जनामा कोरोना संक्रमण पुष्टि
  • खाद्य स्वच्छता तथा मासुजन्य पदार्थ विक्री बितरण सम्बन्धी छलफल
  • केक काटेर होइन सामाजिक काम गरेर मनाउनु पर्छ जन्मदिन :…
  • नेपाल विद्यार्थी फोरम (लोकतान्त्रिक) को पूनर्गठित कार्यसमितिको नाम सार्वजनिक, सभापतिमा…
  • कोरोना संक्रमितप्रति जिम्मेवार बन्दै तिलोत्तमा ,शव व्यवस्थापनको जिम्मादेखि निःशुल्क पिसिआर…