पशुपतिलगायत शिवालयमा शतबीज छरियो

२० मंसिर २०७५, बिहीबार ०   बिचार / प्रतिक्रिया
17 Shares


काठमाडौँ । मार्गशीर्ष कृष्ण चतुर्दशीका दिन बिहीबार बिहानै हिजोदेखि देशभरका शिवालयमा रातभर महादीप बाली बसेका भक्तजनले नदीमा स्नान गरी शतबीज छरेका छन् । बाला चतुर्दशीसमेत भनिने मार्गशीर्ष कृष्ण चतुर्दशीका दिन बिहानै स्नान गरी शिवालय क्षेत्र विशेषगरी पशुपति क्षेत्रको मृगस्थलीमा धानका सय गेडा छरे दिवङ्गत पितृले मोक्ष पाउने शास्त्रीय मान्यता छ ।हेमाद्रीलगायत धर्मशास्त्रका पुस्तकमा वर्णन गरिएअनुसार धानको सय गेडा छर्ने विधि भए पनि हाल कतिपयले मकै, गहुँ, हलेदो, जौ, कागुनोलगायत अन्न शतबीजका रुपमा छर्ने गरेका छन् ।

त्रयोदशी राति दिवङ्गत पितृको सद्गतिको कामना गर्दै महादीप बाली शतबीज छरेमा दिवङ्गत पितृले मोक्ष पाउने जनविश्वास छ । पशुपति क्षेत्रको विशेषगरी मृगस्थली, विश्वरुप, सूर्यघाट, कैलाशडाँडा, उमाकुण्ड, गौरीघाटलगायत क्षेत्रमा बिहानैदेखि शतबीज छर्ने भक्तजनको भीड लागेको छ । यस वर्ष बाला चतुर्दशीको मेला भर्न पशुपति क्षेत्रमा आएका भक्तजनलाई चिसो नहोस् भनी पशुपति क्षेत्र विकास कोषले त्रिपालको व्यवस्था गरेको सदस्य–सचिव डा प्रदीप ढकालले बताए । यस वर्षदेखि यो नयाँ व्यवस्था गर्दा रातभर दीपदान गरेर बस्नेलाई सुविधा पुगेको थियो । विगत वर्षमा त्रिपालको समेत व्यवस्था नहुँदा श्रद्धालु भक्तजन चिसोले कठ्याङ्ग्रिने गरेका थिए ।

पशुपतिसँगै उपत्यकाका गोकर्णेश्वर, वसन्तपुरस्थित हनुमानढोका दरबार अघिको सानो पशुपतिनाथ भनेर चिनिने शिवालयलगायत देशभरका शिव मन्दिरमा भक्तजनले दिवङ्गत पितृका नाममा शतबीज छरेका छन् । बाला चतुर्दशीका दिन पशुपति क्षेत्रमा आउने भक्तजनले वासुकी र गुह्येश्वरी मन्दिरमा पनि पूजा गर्ने गर्दछन् । शतबीज छेरर विधिपूर्वक हवनसहित चतुर्थी गरेपछि बाला चतुर्दशी पर्व समाप्त हुन्छ ।

फेसबुकबाट तपाईको प्रतिक्रिया

ताजा समाचार

  • टिपर दुर्घटना : २३ वर्षीय युवाको मृत्यु
  • नोबेल अस्पतालमा लापरवाही गर्ने डाक्टरमाथि कारवाहीकाे माग गर्दै विरोध प्रदर्शन
  • लालबहादुर राईको ट्रकको ठक्करबाट मृत्यु
  • ट्राफिक व्यवस्थापन तथा सवारी दुर्घटना न्यूनीकरण कसरी गर्न सकिन्छ भन्ने…
  • पुस्तक व्यवसायी महासंघको अध्यक्षमा बस्याल
  • नेपाल प्रहरीका सइ घुससहित समातिए
  • प्रेस युनियनका अध्यक्षलाई महासचिवको पत्र– ‘अध्यक्षको पद मोहले महाधिवेशन हुन…
  • उपचारका क्रममा बालिकाको ज्यान गयो , ३ बुँदे माग राख्दै…
  • लैंगिक हिंसाको पहिलो निशानामा दलित महिला
  • पश्चिम नवलपरासीको सरावल ३ गोइनीमा  हाजिरिजवाफ प्रतियोगिता सम्पन्न