कामदारकै छोरीलाई माइक्रोले किच्यो, घटनास्थलमै ज्यान गयो

२० मंसिर २०७५, बिहीबार ०   बिचार / प्रतिक्रिया
7 Shares


काठमाडौं २० मंसिर – काठमाण्डुको गोंगबुस्थित एक ग्यारेजबाट माइक्रो निकाल्ने क्रममा एकजना बालिकाको मृत्यु भएको छ ।

मृत्यु हुनेमा ३ वर्षीया जिया यादव छिन् । उनी झापा घर भइ गोंगबुमा डेरा गरी बस्दै आएका सोही ग्यारेजका कामदारकी छोरी हुन् ।

महानगरीय प्रहरी वृत्त, महाराजगञ्जका प्रमुख डीएसपी फडिन्द्र प्रसाईंका अनुसार टायरमा हावा हालेर निस्किने क्रममा बा १ ज ८४५९ नम्बरको माइक्रोले बालिकालाई किचेको थियो ।

प्रसाईंका अनुसार माइक्रो र चालकलाई अहिले नियन्त्रणमा लिइएको छ । प्रहरीले थप अनुसन्धान जारी राखेको छ ।

फेसबुकबाट तपाईको प्रतिक्रिया