एमाले सामाजिक न्याय र समृद्धिको अभियन्ता हो : ओली

काठमाडौं । नेकपा (एमाले) ले अध्यक्ष केपी शर्मा ओलीले लोकतन्त्रलाई रक्षा गर्दै सामाजिक न्याय र समृद्धिको अभियन्ताका रुपमा एमाले अगाडि बढेको बताएका छन् । एमाले निकट विद्यार्थी सङ्गठन अनेरास्ववियुले  विभिन्न चाडपर्व र पार्टीको दशौँ राष्ट्रिय महाधिवेशनको पूर्वसन्ध्यामा आयोजना गरेको अखिल शुभकामना साँझमा सम्बोधन गर्दै उनले आफूहरू समृद्धिको यात्रामा अघि बढिरहेको बताए ।

“हामी समृद्धिको यात्रामा निरन्तर अगाडि बढिरहेका छौँ । हामी समाजका सबै क्षेत्रलाई अगाडि बढाउने अगुवाका रूपमा हामी अघि बढ्न चाहान्छौँ । त्यसका क्रममा विद्यार्थी सङ्गठनले चलाएको सांस्कृतिक र अतिरिक्त क्रियाकलापले पनि योगदान दिन सक्नेछ,” उनले भने ।

अध्यक्ष ओली बाँकेको नेपालगञ्जको पार्टी प्रवेशमा सम्बोधन गरेर आजै काठमाडौं फर्किएका थिए । कार्यक्रममा कलाकार पृतम आचार्य, जीवन शर्मालगायतको प्रस्तुति रहको थियो । रासस