अभिरुची साकोसको ११ औं साधरण सभा सम्पन्न

भैरहवा ।अभिरुची बचत तथा ऋण सहकारी संस्थाको ११ औं साधरण सभा सम्पन्न भएको छ । शनिबार संस्थाले बाउन्नकोटी सामूदायिक बन चिल्हियामा विभिन्न १० वटा प्रस्तावहरु पारित गर्दै साधारण सभा गरेको हो ।कार्यक्रममा बोल्दै प्रमुख अतिथि सिद्धार्थ उद्योग वाणिज्य संघ रुपन्देहीका अध्यक्ष भिष्म प्रसाद न्यौपानेले बचत तथा ऋण लगानीमा केन्द्रित नभई सहकारीले उत्पादनशील क्षेत्रमा दीर्घकालिन योजना बनाएर जानु पर्ने बताए । सहकारीलाई उत्पादन पुजँीमा परिवर्तन गर्न सके समाज परिवर्तन गर्न सकिने भएकोले बहुबर्षिय कार्ययोजना बनाएर लगानी गर्न आग्रह गरे । संस्थाको चौतर्फी बिकासका लागि सहकारीले केवल मुनाफा हैन सेवामुलक कार्यक्रममा समेत जोड दिनुपर्ने अध्यक्ष न्यौपानेले बताए ।

विशिष्ट अतिथी लेखाविद लक्षमण पौडेलले सहकारीले सम्पुर्ण शेयर सदस्यको जिवन यापनमा सहजता ल्याउने भएकोले सहकारीको विकासका लागि समपुर्ण शेयर सदस्य सक्रिय भएर लाग्न आवश्यक रहेको बताए । सहकारीहरु सँख्यात्मकभन्दा गुणात्मक तरिकाले बृद्धि भई साधारण सदस्यहरुको जिवन उकास्ने कार्यक्रममा थप जोड दिनुपर्ने, सहकारीबाट ठूलो आमुल परिवर्तन हुने सम्भावना रहेकोले समृद्धीका लागि सहकारीको भुमिका महत्वपूर्ण रहेको बताए ।११ वर्ष अधि स्थापित संस्थाले सहकारीले शिक्षा सहुलियत कर्जा, चाडपर्व बचत, आल्पकालिन कर्जा, लघु महिला उद्यमी कर्जा, बाल बचत, शेयर सदस्यको स्वास्थय तथा दुर्घटना विमा, सम्मान लगायतका कार्यक्रम गर्दै आएको छ ।संस्थाका अध्यक्ष जीवनप्रकाश पाण्डेले संस्थाको वर्ष भरिको गतिविधी सहितको बार्षिक प्रतिवेदन , लेखा तथा सुपरिवेक्षण समिति संयोजक मोहम्मद सलिमले आ.व.को लेखा परीक्षण प्रतिवेदन र आर्थिक प्रतिवेदन प्रस्तुत गरेका थिए ।
२०६७ सालमा ४४ जनाबाट स्थापना भएको संस्थामा हाल १४२ जना महिला सहित २ सय ५० सदस्य रहेका छन । संस्थाको कुल शेयर पूजीँ २ करोड ३८ लाख रहेको छ भने सस्ंथाले २२ लाख ८९ हजार शुद्ध बचत गरेको अध्यक्ष पाण्डेले बताए ।

संस्थाले यस वर्ष मात्रै २ करोड ३७ लाख १७ हजार ५ सय १४ ऋण लगानी गरेको छ । त्यस्तै कोरोना माहमारीलाई मध्यनजर गर्दै ऋणीहरुलाई ४ लाख बढि व्याजमा छुट दिएको छ । सस्थाको सचिव उमेश भट्टराईको संचालन, अध्यक्ष पाण्डेको धन्यवादमा कार्यक्रम सम्पन्न भएको थियो ।