एक मतले पछि पर्दा हृदयराम थानी केन्द्रीय सदस्यमा पराजित

काठमाडौंः नेपाली कांग्रेसको भूगोल तर्फको कर्णालीको खुला केन्द्रीय सदस्यमा हृदयराम थानी एक मतले पछि परेका छन्। शेरबहादुर देउवा प्यानलका कर्णबहादुर बुढासँग एक मतले पछि पर्दै थानीले केन्द्रीय सदस्य हारेका हुन्।

महाधिवेशन निर्वाचन समितिका अनुसार बुढाले २२०० मत पाएका छन्। थानीले २१९९ मत पाएका छन्। कर्णालीको खुलातर्फको अर्को एक सदस्यमा देउवा प्यानलकै राजीवविक्रम शाह निर्वाचित भएका छन्। शाहले २८२० मत पाएका छन्।