एल साल्भाडोरद्वारा गर्भपतनका लागि ३० बर्ष कारागारमा परेका ३ महिलाहरुलाई मुक्त

प्रकाशित मिति:

एल साल्भाडोरले गर्भपतनका लागि ३० बर्ष कारागारमा परेका ३ महिलालाई मुक्त गरेको छ । राष्ट्रपति नायिब बुकेलेको सरकारले ३ साल्भाडोर महिलाहरूलाई रिहा गरेको छ जसलाई राष्ट्रको कडा गर्भपतन विरोधी कानून अन्तर्गत ३० वर्षको कारागारको सजाय सुनाइएको थियो । गर्भपतनको अन्त्यका लागि नागरिक समूहका मोरेना हेरेराले गत शुक्रबार राती भनिन ,समूहलाई एक महिलालाई राष्ट्रपतिको आदेशमा रिहा गरिने भनिएको थियो, तर जब उनीहरू उनलाई अभिवादन गर्न कारागार ९जेल ०गए, तीन जनालाई रिहा गरियो।

उनले निर्णयको बारेमा थप जानकारी नभएको बताइन्, यद्यपि उनले महिलाको सजाय कम गर्न सर्वोच्च अदालतमा याचिकाहरू विचाराधीन रहेको उल्लेख गरिन ।ती तीन जना कम्तीमा १७ साल्भाडोर महिलाहरू मध्येका हुन् जसलाई कार्यकर्ताहरूले प्रसूति सम्बन्धी आपतकालिन अवस्थामा अन्यायपूर्ण रूपमा दोषी ठहर गरी कारागारमा हालिएको छ ,उनले भनिन ।जो गर्भपतन विरुद्धको एल साल्भाडोरको निरपेक्ष कानूनको बिरूद्ध अभियानको केन्द्रमा रहेका छन्। धेरैले आफै प्राकृतिक रुपमा गर्भपतन भएको बताएका छन् ।

धेरै विशेष व्यक्तिहरु ९सेलिब्रेटी०हरूमा अभिनेत्री ,निर्माता तथा निर्देशक अमेरिका फेरेरा, मिला जोभोविच र क्याथरिन हान सहितले गत हप्ता बुकेले तथा एल साल्भाडोरलाई महिलाहरूलाई क्रिसमसको लागि घर फर्कन दिन आग्रह गरेका थिए ।हामी कृतज्ञ छौं कि हाम्रा याचिकाहरू सुनुवाइ भइरहेका छन् र हामीलाई विश्वास छ कि राष्ट्रपति बुकेले बाँकी निर्दोष महिलाहरूको लागि स्वतन्त्रता प्राप्त गर्न काम गरिरहनु भएको छ,” वाशिंगटन स्थित महिला समानता केन्द्रका कार्यकारी निर्देशक पाउला अविला(गुइलेनले भनिन ।मानव अधिकारको अन्तर(अमेरिकी अदालतले गत नोभेम्बरमा निर्णय गर्यो कि एल साल्भाडोरको सरकारले म्यानुएला भनेर चिनिने एक महिलाको अधिकार उल्लङ्घन गरेको र जसलाई २००८ मा गर्भपतन गराउने आरोपमा गिरफ्तार गरिएको थियो । सन् २०१० उनको हिरासतमा मृत्यु भएको थियो ।

“कहिलेकाहीँ गर्भपतन स्वैच्छिक हुँदैन,” म्यानुएलाको जेठो छोरा, थोमसले २०१९ मा सीबीएस न्यूजलाई भने। “मेरी आमा बिरामी हुनुहुन्थ्यो। यी गरीब महिलाहरूलाई मद्दत चाहिन्छ,” मानुएलाकी आमाले भनिन्। “मेरी छोरीले जस्तै उनीहरूले पीडा भोगून् भन्ने म चाहन्न। युवा र महिलाहरूले लड्नु पर्छ।” उनले भनिन । एल साल्भाडोर ल्याटिन अमेरिकाका चार देशहरू मध्ये एक हो जसले सबै अवस्थामा गर्भपतनमा प्रतिबन्ध लगाएको छ ,आमाको जीवन जोखिममा हुँदा र बलात्कारका घटनाहरूमा पनि। साथै निकारागुआ, होन्डुरस र डोमिनिकन रिपब्लिकमा पनि गर्भपतन प्रतिबन्ध छ ।