बस्न लागेको केन्द्रीय समिति बैठक बस्दै नबसी स्थगित

२ पुष २०७५, सोमबार ०   बिचार / प्रतिक्रिया
22 Shares


काठमाडौं । नेपाली काँग्रेसको महासमिति बैंठक स्थगित गरेर बस्न लागेको केन्द्रीय समिति बैठक बस्दै नबसी स्थगित भएको छ । पदाधिकारी कति बनाउने भन्ने विषयमा सहमती हुन नसकेपछि बैठक बस्दै नबसी स्थगित भएको हो । बैठक साँझ ६ बजे बस्ने भनिएको छ । सभापति शेर बहादुर देउवाले महासमिति बैठक सञ्चालनको जिम्मेवारी उपसभापति विजयकुमार गच्छदारलाई दिएर आफू केन्द्रीय समिति बैठकमा जान लागेपनि सभाबाट सभापति विनाको बैठक हुन नसक्ने भन्दै विरोध भएपछि महासमिति बैठक २ घण्टाको लागि स्थगित गरिएको थियो । तर, निर्वाचन प्रणाली र पदाधिकारीको संख्याको विषयमा सहमति हुन नसकेपछि केन्द्रीय समिति बैठक बस्दै नबसी स्थगित भएको हो ।

केन्द्रीय समिति बैठक भन्दा पहिले पदाधिकारी बैठक बसेको थियो । तर, पदाधिकारीहरुको बैठकमा नै यो विषयमा सहमती हुन नसकेपछि केन्द्रीय समिति बैठक बस्न नसकेको हो । पदाधिकारी बैठकमा पौडेल निकट नेताहरु आफुनो पूर्व अडान उपसभापति, महामन्त्री र सहमहामन्त्री ३÷३ जना हुनुपर्ने अडानबाट पछि हटेपनि सभापति देउवाले प्रस्ताव गरेजस्तो एकजना उपसभापति, महामन्त्री र सहमहामन्त्रीको निर्वाचन गराउने विषयमा सहमत हुन नसकेको हो । पौडेल पक्ष सबै पदमा निर्वाचन गर्नुपर्ने अडानमा छ । सभापतिले देउवाले भने २ जना उपसभापति, २ महामन्त्री र २ जना सहमहामन्त्री बनाउने र ती मध्ये एक एक जना निर्वाचनबाट र एक एक जना मनोनित गर्ने प्रस्ताव गरेका थिए । यही विषयमा सहमति नजुटेपछि केन्द्रीय समिति बैठक समेत साँझसम्मको लागि स्थगित गरिएको हो ।

फेसबुकबाट तपाईको प्रतिक्रिया

ताजा समाचार

  • लैङ्गिक हिंसा सम्बन्धी नीति र कानून विषयक अभिमुखीकरण सम्पन्न
  • संघीयता कार्यान्वयनमा मिडियाको भूमिका महत्वपुर्ण : प्रदेश प्रमुख यादव
  • अपाङ्गता मैत्री शासन निर्माणमा स्थानिय तहको भुमिका विषयक कार्याशाला सम्पन्न
  • विश्व शान्तिको १५ औं वार्षिकोत्सव तथा अभिभावक भेला सम्पन्न
  • भोलीबाट वडाकपमा सेमीफाईनल खेल हुने
  • शिवरात्री उत्सवको तयारी
  • तेस्रो बुटवल खुल्ला लन टेनिस प्रतियोगिता तेस्रो दिन जारी
  • अर्घाखाची ठूलापोखरा समाजको रक्तदान, जुट्यो ५० युनिट रगत
  • कृषि विकास बैंक कर्मचारी संगठन नेपालद्धारा सामाजिक उत्तरदायित्व कार्यक्रम
  • युनाइटेड वर्ल्ड स्कुल नेपाल संस्थालाई गुल्मीको धुर्कोटमा स्वागत