काठमाडौं । आज राष्ट्रिय सभा निर्वाचन, कोरोना महामारी र स्थानीय तहको निर्वाचनका विषयमा छलफल गर्न सर्वदलीय बैठक बस्दै छ । निर्वाचन आयोगले शुक्रबारका लागि दललाई सर्वदलीय बैठकमा आयोगमा बोलाएको हो ।
बैठकमा १२ माघका लागि तय भएको राष्ट्रिय सभा निर्वाचनलाई स्वास्थ्य मापदण्ड पालना गर्दै सम्पन्न गर्ने विषयमा दलसँग छलफल हुने आयोगका प्रवक्ता शालिग्राम शर्मा पौडेलले जानकारी दिए ।यसैगरी स्थानीय तहको निर्वाचनका लागि सरकारलाई मिति प्रस्ताव गरिसकेकाले दलको राय लिने तयारी सर्वदलीय बैठकमार्फत निर्वाचन आयोगले गरेको छ । आयोगले माघको पहिलो साताभित्र निर्वाचनको मिति नतोकिए वैशाखमा स्थानीय तहको निर्वाचन गर्न नसकिनेसमेत बताउँदै आइरहेको छ ।
आयोगले दिएको जानकारी अनुसार संघ र प्रदेशमा प्रतिनिधित्व गर्ने १६ राजनीतिक दललाई बैठकमा उपस्थित हुन भनिएको छ । हाल रहेका स्थानीय तहका प्रतिनिधिहरुको कार्यकाल आगामी जेठ ५ गतेसम्म मात्रै रहेको छ ।यसअघि सरकाले निर्वाचन आयोगसमक्ष वैशाख १४ गते र वैशाख २२ मा गरि दुई चरमा स्थानीय तहको निर्वाचन गर्ने प्रस्ताव गरेको थियो ।
थप समाचार
